(વર્તમાન પ્રવાહ વાપી બ્યુરો) વાપી, તા.10
ડાંગ જીલ્લાના વડુ મથક આહવામાં આજે મંગળવારે પાર તાપી રિવરલિંક યોજનાના પ્રચંડ વિરોધ માટે સમગ્ર વિસ્તારમાંથી હજારોની સંખ્યામાં આદિવાસી જાહેર સભા યોજાઈ હતી. બાદમાં સમગ્ર વિસ્તારમાં રેલી યોજાઈ હતી.
કેન્દ્ર સરકારે બજેટમાં પાર તાપી રિવરલીંક યોજનાનો પ્રસ્તાવ રજૂ કરવાની સાથે જ દક્ષિણ ગુજરાત પૂર્વ આદિવાસી વિસતાોરમાં એક પછી એક રેલીઓ અને સભાઓનો વિરોધ કરવાનો દોરજોર પકડી રહ્યો છે. નાનાપોંઢા, ધરમપુર, વાંસદા, ચિખલી, વિસ્તારોમાં સભાઓ અને રેલીઓ છેલ્લા બે મહિનાથી એક પછી એક ચાલી રહી છે. આજે મંગળવારે ડાંગના આહવામાં આદિવાસી આગેવાનો અને વાંસદના ધારાસભ્ય અનંત પટેલ, ડેમ સમિતિના યોદ્ધાઓ, આદિવાસી એક્તા સમિતિના પ્રમુખોની આગેવાનીમાં જાહેરસભા યોજાઈ હતી. બાદમાં હજારોનું હુજુમ રોડ ઉપર માનવ મહેરામણ રૂપે ઉતરીને પાર તાપી રિવરલીંક યોજનાનો પ્રચંડ વિરોધ નોંધાવ્યો હતો. બીજી તરફ ગુજરાતની સામાન્ય ચૂંટણી નજીકમાં આવતી હોવાથી આ આંદોલનને કોંગ્રેસ તરફથી રાજકીય રૂપ આપવાનો રીતસરનો તખ્તો ગોઠવવાની આંતરિક રાજરમત રમાઈ રહ્યાની વાતો પણ વહી રહી છે. ગુજરાત સરકારે યોજના પડતી મુકવાની જાહેરાત કરી છે આંદોલન હજુ આગળ વધી રહ્યું છે.
