(વર્તમાન પ્રવાહ ન્યુઝ નેટવર્ક)
સેલવાસ,તા.04: સેલવાસની એક 26 વર્ષિય યુવતી અફસાનાએ હિન્દી ગીતની પ્રોડ્યુસર બની પોતાનું પહેલું ગીત ‘આબાદ’ મુંબઈ ખાતે લોન્ચ કર્યું હતું. સેલવાસના ગુરુદેવ સોસાયટીમાં રહેતા મીરોઝભાઈ ખેરાણીની પુત્રી અફસાના ખેરાણીએ લાયન્સ ઈંગ્લીશ સ્કૂલમાં ધોરણ 12 સામાન્ય પ્રવાહ સુધી અભ્યાસ કર્યા બાદ મુંબઈ ખાતે ગ્રેજ્યુએશન સાથે મોડેલિંગમા પણ પોતાની કિસ્મત અજમાવી હતી. ત્યારબાદ એરલાઈન્સ ક્ષેત્રે તાલીમ મેળવી એર હોસ્ટેસની તાલીમ લઈ સ્પાઇસ જેટ કંપનીમાં એર હોસ્ટેસ તરીકે ફરજ બજાવતા હતા. કોરોના કાળમાં ઘણી એરલાઈન્સ બંધ થતા અફસાનાએ એર હોસ્ટેસમાંથી ફરી મોડલિંગ ક્ષેત્રમાં પ્રવેશ કરી ગીત પ્રોડયુસર તરીકે આગળ વધી બોલીવુડના ઘણા નામાંકિત ગાયકો અને ગીતકાર તથા અભિનેતાઓના સંપર્કમાં રહી ‘આબાદ સોંગ તુઝસે બિછડ કે’ના પ્રોડયુસર તરીકે ભૂમિકા અદા કરી પ્રથમ ગીત મુંબઈ ખાતે લોન્ચ કર્યું છે. સેલવાસ જેવાનાનકડાં શહેરમાંથી પણ મોટા સપના જોનારા કલાકારની સફળતા નોંધનીય બની રહી છે.
