(વર્તમાન પ્રવાહ ન્યુઝનેટવર્ક) દમણ, તા.19
દમણ-દીવ ભાજપ ઓબીસી મોરચાના સ્ટેટ પ્રેસીડેન્ટ તરીકે નિયુક્ત થયેલા શ્રી હરીશભાઈ પટેલનું આજે સાંસદ શ્રી લાલુભાઈ પટેલના નેતૃત્વમાં કોળી પટેલ સમાજ દ્વારા અભિવાદન કરવામાં આવ્યું હતું.
આજે શ્રી હરીશભાઈ પટેલની ઓબીસી મોરચાના સ્ટેટ પ્રેસીડેન્ટ તરીકે થયેલી નિમણૂંક બદલ દમણ-દીવના સાંસદ શ્રી લાલુભાઈ પટેલ, દમણ જિલ્લા પંચાયતના પ્રમુખ શ્રી નવિનભાઈ પટેલ, દમણ જિલ્લા પંચાયતના પૂર્વ પ્રમુખ શ્રી બાબુભાઈ પટેલ, કોળી પટેલ સમાજના પ્રમુખ શ્રી જયંતિભાઈ પટેલ, કડૈયાના સરપંચ શ્રી શંકરભાઈ પટેલ, દમણવાડાના પૂર્વ સરપંચ શ્રી ઈશ્વરભાઈ પટેલ, કોળી પટેલ આગેવાન શ્રી સુભાષભાઈ પટેલ, શ્રી હિરુભાઈ પટેલ સહિતના મોવડીઓએ જાહેરમાં અભિનંદન પાઠવ્યા હતા.
