રાજપુરી એસ્ટ્રોલ ગૃપમાં મજુરી કામ હેતુ બાઈક લઈને નિતિન ગુલાબ જોગરી સવારે ઘરેથી નિકળ્યો હતો. ત્યાં મોત ભેટયુ
(વર્તમાન પ્રવાહ વાપી બ્યુરો)
વાપી, તા.25: ધરમપુર આવધા ઘાટ રોડ ઉપર રોડ માર્જિનમાં ઘણા મોટા મોટા વૃક્ષો આવેલા છે. આ વૃક્ષો અકસ્માત સર્જી રહ્યા છે. તેવો વધુ એક અકસ્માત આજે મંગળવારે સવારે થયો હતો. ઉથલપાડા ગામે રહેતો યુવાન તેની સ્પ્લેન્ડર બાઈક લઈને રોજીંદા કામ મુજબ એસ્ટ્રોલ ગૃપમાં સેન્ટીંગની મજુરી કામે નિકળ્યો હતો ત્યારે આવધા ઘાટ રોડ ઉપર મોબાઈલ ટાવર પાસે તેનુ બાઈક રોડ માર્જીનમાં આવેલ ઝાડ સાથે ભટકાતા ગમખ્વાર અકસ્માત સર્જાયો હતો. અકસ્માતમાં બાઈક ચાલક યુવાનનું ઘટના સ્થળે કરુણ મોત નિપજ્યું હતું.
પ્રાપ્ત વિગતો અનુસાર ધરમપુર આવધા ઘાટ ઉપર આજે ઉથલપાડા ગામનો 18 વર્ષિય યુવાન નિતિન ગુલાબભાઈ જોગરી તેની સ્પ્લેન્ડર બાઈક નં.જીજે 15 બી.એ. 6589 ઉપર સવાર થઈને એસ્ટોલ ગૃપમાં મજુરી કામે નિકળ્યો હતો ત્યારે આવધા ઘાટે રોડ માર્જીનમાં આવેલ ઝાડ સાથે બાઈક ગતિમાં હોવાથી ભટકાઈ જતા અકસ્માત સર્જાયો હતો. જેમાં યુવાન નિતિન ગંભીર રીતે ઘાયલ થતા સ્થળ ઉપર મોત ભરખી ગયું હતું. બરૂમાળ મુખ્ય માર્ગ ઉપરઅનેક મોટા ઝાડ રોડ માર્જીનમાં આવેલા છે તેથી ભૂતકાળમાં પણ બે-ત્રણ અકસ્માત ઝાડોને લઈ થયા છે તેથી સ્થાનિકોની માંગણી છે કે વૃક્ષો દૂર કરવા જોઈએ.
