તમામઆરોપીઓને કોર્ટે બે દિવસની આપેલી પોલીસ કસ્ટડી
(વર્તમાન પ્રવાહ ન્યુઝ નેટવર્ક) દમણ, તા.22
દમણ કોસ્ટગાર્ડની સજાગતાથી પરીક્ષા શરૂ થવા પહેલાં જ પાંચ પરીક્ષાર્થીઓનો પકડી લેવામાં આવ્યા હતા. દમણમાં 20 જૂનના રોજ કોસ્ટગાર્ડમાં ફાયરમેનની પરીક્ષા લેવામાં આવી હતી. જેમાં દેશભરમાંથી પરીક્ષાર્થીઓ આવ્યા હતા.
આજ પરીક્ષામાં ભાગ લેવા માટે હરિયાણાથી 7 પરીક્ષાર્થીઓ પણ આવ્યા હતા. પરીક્ષા પહેલાં પૂર્વ કોસ્ટગાર્ડના અધિકારીઓ દ્વારા પરીક્ષાર્થીઓની તપાસ કરવામાં આવી હતી. તપાસમાં ઉપરોક્ત 7 પરીક્ષાર્થીઓની પાસેથી નવી ટેક્નોલોજીના ગેજેટ પકડી પાડવામાં આવ્યા હતા. ત્યારબાદ દમણ કોસ્ટગાર્ડના કમાંડરની ફરિયાદ પર દમણ પોલીસે સાતેય મુન્નાભાઈઓની સામે ભારતીય દંડ સંહિતાની કલમ 419, 420, 120બી, આર/ડબ્લ્યુ 34 અને 511 હેઠળ કેસ દાખલ કરી ધરપકડ કરીને તપાસ પી.એસ.આઈ. શ્રી જય પટેલને સોંપી હતી. આજે દમણ પોલીસે સાતેય આરોપીઓને દમણ કોર્ટમાં જ્યુડિશિયલ મેજીસ્ટ્રેટ પ્રથમ શ્રેણી શ્રી જે.જે.ઈનામદારની સામે હાજર કરાયા હતા. જ્યાં તમામ આરોપીઓને 2 દિવસની પોલીસ કસ્ટડીમાં મોકલી દેવાયા હતા.
