March 28, 2024
Vartman Pravah
Breaking Newsડિસ્ટ્રીકટદમણદીવસેલવાસ

મોટી દમણની પ્રાથમિક શાળામાં કાનૂની જાગૃકતા શિબિર યોજાઈ

સ્‍ટેટ લીગલ સર્વિસ ઓથોરિટીના કો-મેમ્‍બર સેક્રેટરી પી.એચ.બનસોડે જુદી જુદી વયજૂથના બાળકો દ્વારા થતા ગુનામાં તેમની જવાબદારીના સંદર્ભમાં પાડેલો પ્રકાશ

(વર્તમાન પ્રવાહ ન્‍યુઝ નેટવર્ક)

દમણ, તા.27: સ્‍ટેટ લીગલ સર્વિસ ઓથોરિટી, દમણ દ્વારા બાર એસોસિએશન દમણના સહયોગથી મોટી દમણની પ્રાથમિક શાળામાં આજે કાનૂની જાગૃકતા શિબિરનું આયોજન કરવામાં આવ્‍યું હતું.

આ પ્રસંગે સ્‍ટેટ લીગલ સર્વિસ ઓથોરિટીના કો-મેમ્‍બર સેક્રેટરી અને દમણના ચીફ જ્‍યુડિશિયલ મેજીસ્‍ટ્રેટ સિનિયર ડિવિઝન શ્રી પી.એચ.બનસોડે પોતાના અધ્‍યક્ષીય વક્‍તવ્‍યમાં જુદી જુદી વયજૂથના બાળકો દ્વારા થતા ગુનામાં તેમની જવાબદારીના સંદર્ભમાં પ્રકાશ પાડયો હતો. તેમણે જણાવ્‍યું હતું કે, 18 વર્ષથી ઓછી ઉંમરના કોઈપણ સગીરને તેમના ગુના માટે જેલમાં બેસાડવામાં નથી આવતો. તેમણે બાળ ગુનાની બાબતમાં ખુબ જ વિસ્‍તારથી પ્રકાશ પાડયો હતો.

આ કાર્યક્રમમાં ધારાશાષાી શ્રીમતી સ્‍મિતા સુરતીએ ‘બેટી બચાવો, બેટી પઢાવો’ વિષય ઉપર મનનીય માર્ગદર્શન આપ્‍યું હતું. જ્‍યારે એડવોકેટ શ્રી પ્રિન્‍સ છીપાએ બાળકોના અધિકાર વિષય ઉપર માર્ગદર્શન આપ્‍યું હતું. કાર્યક્રમનું સંચાલન અને સ્‍વાગત વિધિ તથા સમાપન એડવોકેટસુશ્રી નિલમ પટેલે કર્યું હતું. આ પ્રસંગે દમણ કોર્ટના ચીફ જ્‍યુડિશિયલ મેજીસ્‍ટ્રેટ જુનિયર ડિવિઝન શ્રી ઈનામદાર પણ ઉપસ્‍થિત રહ્યા હતા.

Related posts

નવસારીના સુરખાઈ ખાતે રાષ્ટ્રિય ગ્રામીણ આજીવિકા મિશન અંતર્ગત મંત્રી નરેશભાઈ પટેલ દ્વારા કેશ ક્રેડિટ ચેકનું વિતરણ કરાયું

vartmanpravah

દાદરા નગર હવેલીમાં પાંચ ઇંચથી વધુ વરસાદ ખાબક્‍યોઃ મધુબન ડેમના છ દરવાજા અડધો મીટર ખોલાયા

vartmanpravah

વલસાડ જિલ્લામાંકોરોનાના કેસોમાં નોંધપાત્ર ઘટાડો

vartmanpravah

વલસાડ જિલ્લામાં ભારે વરસાદથી કપરાડાના કુંભઘાટનું ધોવાણઃ વાહન ચાલકો પરેશાન

vartmanpravah

વિજલપોર ખાતે યોજાયેલ પ્રાચીન ગરબા સ્‍પર્ધામાં નવસારીની કચ્‍છ કડવા પાટીદાર સનાતન મહિલા મંડળે લીધેલો ભાગ

vartmanpravah

ચીખલી વંકાલના દીપકભાઈ સોલંકીની નવસારી જિલ્લા ભાજપ કિસાન મોરચાના આઈટી સેલના કાર્યકારી સહ ઈન્ચાર્જ તરીકે નિમણૂક થતાં કાર્યકરોમાં છવાયેલો આનંદ

vartmanpravah

Leave a Comment