વલસાડમાં પધારેલી હુમૈરા ગરાસીયાએ નેશનલ ઈંગ્લીશ સ્કૂલની મુલાકાત લીધી
(વર્તમાન પ્રવાહ વાપી બ્યુરો)
વાપી, તા.27
વલસાડના ગરાસીયા પરિવારની દિકરી હુમૈરા ગરાસીયા સૌથી નાની ઉંમરે હકની બોરો કાઉન્સિલના સિવિક મેયર પદે તાજેતરમાં બિરાજમાન થતા વલસાડ જિલ્લાનું નામ બ્રિટનમાં રોશન કર્યું છે.
હુમૈરા ગરાસીયાનો જન્મ લંડનમાં થયો છે. નાનપણથી ભણવામાં તેજસ્વી હુમૈનાએ 2018માં લંડનની યુનિવર્સિટીમાં પોલીટીકલ સાયન્સમાં ઉચ્ચ ડીગ્રી હાંસલ કરેલી તેમજ કોલેજ સ્ટુડન્ટની ચૂંટણીઓમાં ભાગ લઈ રાજકારણ પાઠ ભણવાના શરૂ કરી દીધા હતા. હાલમાં હુમૈરા માતાપિતા સાથે વલસાડમાં પધારી છે. હુમૈરાએ આજે વલસાડની નેશનલ ઈંગ્લીશ મીડિયમ સ્કૂલનીવિઝીટ લીધી હતી. વિદ્યાર્થીઓને મોટીવેટ કર્યા હતા. વલસાડમાં હુમૈરાના આગમન જાણ થતા સમાજ અને અગ્રણીઓ દ્વારા સન્માન કરાઈ રહ્યું છે. નાની વયે વિદેશમાં મોટી સિધ્ધિ સફળતા મેળવી હુમૈરા કુરેશીએ વલસાડ જિલ્લા અને ગુજરાતનું નામ વિદેશમાં રોશન કર્યું છે.
