રક્ષાબંધન હોવાથી અનેક લોકોની ભીડ મંદિરમાં હતી
(વર્તમાન પ્રવાહ વાપી બ્યુરો)
વાપી, તા.11: વાપી સેલવાસ રોડ ભડકમોરા વિસ્તારમાં આવેલ હનુમાનજી મંદિરમાં નશામાં ધૃત બનેલ બે ઈસમો શિફટ ડિઝાયર કારને મંદિરમાં ઘૂસાડી દેતા ભાગદોડ મચી હતી. પોલીસે ચાલક અને પાસે બેઠેલ બન્ને આરોપીઓને ઝડપી લીધા હતા.
વાપી ભડકમોરામાં આવેલ હનુમાન મંદિરમાં આજે ગુરૂવારે સાંજના સમયે સેલવાસ તરફ જઈ રહેલ શિફટ ડિઝાયર કાર નં.જીજે 14 સીજે 5073ના ચાલકે નશાની ધૃત હાલતમાં કાર નશામાં બેકાબુ બનતા મંદિરમાં ઘૂસાડી દીધી હતી. રક્ષાબંધન હોવાથી મંદિરમાં ભાવિકોની ભીડ હતી. અચાનક કાર મંદિરમાં ધસી આવતા લોકો દોડી ગયા હતા. થોડી વાર નાસમભાગ મચી હતી. સદનસીબે કોઈ ઈજા નહી થતા મોટી દુર્ઘટના ટળી હતી. ઘટનાની જાણ બાદ તુરંત પોલીસ ઘટના સ્થળે દોડી આવી હતી. નશામાં ધૃત ચાલક અને જોડે બેઠેલ બન્ને ઈસમોની અટક કરી હતી. તપાસ કરતા બન્ને નેપાળી હતા તેમજ અતુલ ફળીયામાં રહેતા હોવાનું બહાર આવ્યું હતું. કારચાલકની હાલત નશામાં ચકચુર હોવાથી પોલીસે તેને નજીકની ઉષા હોસ્પિટલમાં ખસેડયો હતો.
