(વર્તમાન પ્રવાહ ન્યુઝ નેટવર્ક)
વલસાડ, તા.17
વલસાડ જિલ્લાના પ્રવાસન સ્થળોના વિકાસ સંદર્ભે જિલ્લા કલેક્ટરશ્રી ક્ષિપ્રા આગ્રે દ્વારા પ્રવાસન સ્થળ વિલ્સન હીલ અરબી સમુદ્ર-તિથલ કિનારા ખાતે વિવિધ વિકાસ કાર્યો કરી પ્રવાસન પ્રિય બનાવાઈ રહ્યું છે.
વલસાડ ટુરિઝમ દ્વારા ‘કેપ્ચર ધ નેચર’ થીમ સાથે શરૂ કરાયેલી તા.8મી ઓગસ્ટ સુધી ચાલેલી નેચર ફોટોગ્રાફી સ્પર્ધમાં ખેરગામના યુવા ફોટોગ્રાફર (રમેશ સ્ટુડિયોના) પરિમલ ર. પટેલને વિલ્સન હિલનું કંડારાયેલુ મધરાતના આકાશ ગંગા- તારાયુક્ત અદભુત દ્રશ્યને પ્રથમ ક્રમાંક આપી રૂપિયા 10,000/- નું ઈનામ પ્રાપ્ત થતાં ખેરગામ તાલુકામાંઅભિનંદન વર્ષા થઈ હતી. ધરમપુરના નાની ઢોલ ડુંગરી-બામટી ખાતે 76મો સ્વાતંત્ર દિવસની ઉજવણી નિમિત્તે પધારેલા ગુજરાત રાજ્યના કેબિનેટ મંત્રીશ્રી નરેશભાઈ પટેલના વરદ્હસ્તે પુરસ્કાર તથા સુશ્રી ક્ષિપ્રા આગ્રેના હસ્તાક્ષરવાળુ પ્રમાણપત્ર અર્પણ કરવામાં આવ્યું હતું. જેનો સાભાર સ્વીકાર કરી પરિમલે પૂ. નરેશભાઈ-મંત્રીશ્રી – ક્ષિપ્રા-સમાહર્તાનો ખાસ આભાર માન્યો હતો.