વધુ ચાર બિલીમોરાની મહિલા બુટલેગર દારૂના જથ્થા સાથે ઝડપાઈ
(વર્તમાન પ્રવાહ વાપી બ્યુરો)
વાપી, તા.30: ગુજરાતમાં દારૂની હેરાફેરી રોડ-હાઈવેથી થાય છે તેટલી રેલવેમાં થઈ રહી છે. રેલવે પોલીસ અવાર નવારદારૂના મહિલા અને પુરુષ બુટલેગરોને ઝડપતી રહી છે. ગત વાપી સ્ટેશનથી બિલીમોરાની 4 મહિલાઓ દારૂના જથ્થા સાથે રેલવે પોલીસે ઝડપી પાડી હતી.
સન 2023માં 28મી ઓક્ટોબર સુધીમાં રેલવે ડબ્બાઓમાંથી દારૂની હેરાફેરી કરતા કુલ 107 પ્રોહીબિશનના આરોપી રૂા.2.01 લાખના દારૂના જથ્થા સાથે રેલવે પોલીસે ઝડપી પાડયા છે. ગતરોજ વાપી સ્ટેશનથી પોલીસે મીરાબેન શશીકાંત પટેલ, પન્નાબેન છનાભાઈ પટેલ, સુજાતાબેન કિશોરભાઈ દેવીપૂજક અને શીતલબેન જીતુભાઈ દેવીપૂજક નામની ચાર મહિલાઓ પાસેથી 96 બોટલ કી.4320નો દારૂનો જથ્થો ઝડપ્યો હતો. તમામ મહિલાઓ બિલીમોરાના જુદાજુદા વિસ્તારમાં રહે છે. રેલવે પોલીસે તમામ ચાર મહિલાઓને ઝડપી લઈ વધુ તપાસ માટે જી.આર.પી.ને સુપરત કરી હતી. ટૂંકમાં રેલવેમાં પણ દારૂની તસ્કરી ચાલી રહી છે તેવું જણાઈ રહ્યું છે.
