શ્રૃતિ હેમંત દાયમા નેત્રદાન અભિયાનની બ્રાન્ડ એમ્બેસેડર બની
(વર્તમાન પ્રવાહ વાપી બ્યુરો)
વાપી, તા.18
નવસારી ઓલ આર્ટિસ્ટ ગૃપ દ્વારા આયોજીત સ્પર્ધામાં દક્ષિણ ગુજરાતના એક હજાર ઉપરાંત સ્પર્ધકોએ ભાગ લીધો હતો. જેમાં વાપીની યુવતિ શ્રૃતિ હેમંત દાયમા પ્રથમ વિજેતા બની હતી.
15મી ઓગસ્ટના રોજ નવસારી હોલમાં આયોજીત થયેલ ગીત સ્પર્ધામાં દેશપ્રેમના ગીતોની સ્પર્ધા યોજાઈ હતી. નવસારી ધારાસભ્ય પિયુષભાઈ દેસાઈએ સરસ્વતિ વંદના અને દીપ પ્રાગટય સાથે કાર્યક્રમ ખુલ્લો મુક્યો હતો. મોડી રાત સુધી ચાલેલી આ સ્પર્ધાના અંતિમ રાઉન્ડમાં વાપીની શ્રૃતિ હેમંત દાયમાને વિજેતા જાહેર કરવામાં આવી હતી. તેમને ટ્રોફી અને સન્માનપત્રથી સન્માનિત કરાયા હતા. વાપીના શ્રૃતિ દાયમા દક્ષિણ ગુજરાત સિંગિંગ ચેમ્પિયન બન્યા હતા. તેમજ રોટરી નેત્ર સંસ્થા દ્વારા નેત્રદાન અભિયાનના બ્રાન્ડ એમ્બેસેડર જાહેર કરાયા હતા. આ સ્પર્ધામાં વિજેતા બની શ્રૃતિ દાયમાએ વાપી સહિત જિલ્લાનું નામ રોશન કરી ગૌરવ વધાર્યુ હતું.