સ્પ્લેન્ડર બાઈકના ચાલકે રોંગ સાઈડથી હંકારી બજાજ ડિસ્કવરને અડફટે લેતા થયો અકસ્માત
(વર્તમાન પ્રવાહ ન્યુઝ નેટવર્ક)
પારડી, તા.23
પારડીના પોણીયા તાડ ફળીયા ખાતે રહેતા પરિમલભાઈ શંકરભાઈ ધો.પટેલ પત્ની રવીના અને સાળી રોશની સાથે બજાજ ડિસ્કવર બાઈક નંબર ઞ્થ્ 15 ફફ 2024 લઈ સાંજે 6:00 વાગે પોતાના સાસરે સુખલાવ ખાતે જઈ રહ્યા હતા. આ દરમ્યાન સુખલાવ દાદાવાડી પાસે સોનવાડા ભગત ફળીયા ખાતે રહેતા ધર્મેશ કાંતિભાઈ ધો.પટેલે પોતાની સ્પ્લેન્ડર બાઈક નંબર ઞ્થ્ 15 ગ્ય્ 7666 ને રોંગ સાઈડથી પુરપાટ ઝડપે અને ગફલતભરી રીતે હંકારી સામે આવી રહેલ ડિસ્કવર બાઈકની સામે અથડાવી અકસ્માત કરતા બન્ને બાઈક સવારો સહિત ચારેયફંગોળાઈ ગયા હતા.
આ અકસ્માતમાં બજાજ ડિસ્કવર ચાલક પરિમલને મોઢા, નાક તથા માથાના ભાગે, રવીનાને શરીરે પગમાં તથા કમરના ભાગે તથા રોશનીને હાથમાં તથા માથામાં ઇજા થતાં તેમને સારવાર અર્થે મોહન દયાળ હોસ્પિટલ ખાતે લઈ જવાતા પરિમલને દાખલ કરી રવીના તથા રોશનીને પ્રાથમિક સારવાર આપી રજા આપવામાં આવી હતી. જ્યારે અકસ્માત કરનાર સ્પ્લેન્ડર ચાલક ધર્મેશને પણ માથાના ભાગે ઈજા થતાં 108 આવી લઈ ગઈ હતી. બજાજ ડિસ્કવરના ચાલકની પત્ની રવીનાએ પારડી પોલીસ સ્ટેશનમાં ફરિયાદ નોંધાવતા પારડી પોલીસે વધુ તપાસ હાથ ધરી છે.
—-
