(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.24: સુંઠવાડ નેશનલ હાઈવે પર ઓઈલ ભરેલ ટેન્કરના ડ્રાઈવરે ખાડામાંથી ટેન્કરને બચાવવા જતા સ્ટેરિંગ પરનો કાબુ ગુમાવતા ટેન્કર પલ્ટી જતા રસ્તા પર ઠેર ઠેર ઓઇલની નદી વહેતી થઈ જતા ટ્રાફિક જામની સમસ્યા જોવા મળી હતી.
ચીખલી તાલુકામાંથી પસાર થતા નેશનલ હાઈવે 48 ઉપર ઠેર ઠેર ખાડાઓ પડતા વાહન ચાલકોને ભારે હાલાકીનો સામનો કરવો પડી રહ્યો છે ત્યારે મસમોટા ખાડાને પગલે બુધવારની બપોરના સમયેતાલુકાના સુંઠવાડ પાટિયા પાસે સુરત થી વાપી ટ્રેક ઉપર જઈ રહેલા એક ટેન્કર નં.જીજે-01-એફટી-8609 માં ઓઇલ ભરી જઈ રહેલ ટેન્કર ખાડાઓથી બચવા જતા સ્ટેરિંગ ઉપરનો કાબુ ગુમાવતા ટેન્કર પલ્ટી મારી જતા રસ્તા ઉપર ઓઇલ વહેતુ થઈ જતા ભારે હાલાકી સર્જાઈ હતી. હાઈવે ઓથોરિટી હજારો રૂપિયાનો ટોલ ઉધરાવતી હોય છે. છતાં પણ રસ્તાની મરામત ન કરતા નિર્દોષ વ્યક્તિ અને વાહન ચાલકો અકસ્માતનો ભોગ બનતા હોય છે. ઘટનાની જાણ પોલીસને થતા સ્થળ ઉપર ધસી જઇ રસ્તો ખુલ્લો મુકવામાં આવ્યો હતો.
