(વર્તમાન પ્રવાહ ન્યુઝ નેટવર્ક)
સેલવાસ,તા.04: સેલવાસ- વાપી મેઈન રોડ ઉપર એક વાનમાં અચાનક આગ પકડી લેતા દોડધામ મચી ગઈ હતી.
પ્રાપ્ત વિગત અનુસાર ડીએન-09 એચ-0243 મારુતિ ઓમની વાનમાં આગળનાભાગે અચાનક ધુમાડો નીકળવા લાગતા કારનો ચાલક ગાડીને રોડની સાઈડ પર કરી અંદરથી બહાર નીકળી ગયો હતો. આ ઘટના જોતા આજુબાજુના લોકો દોડી આવ્યા હતા અને ફાયર વિભાગને ફોન કરવામાં આવ્યો હતો, પરંતુ બાજુમાં જ પટેલ પેટ્રોલ પમ્પના સ્ટાફે ફાયર ઈક્વિપમેન્ટ સાથે પહોંચી સમય સૂચકતા વાપરી આગને કાબુમાં લઈ લીધી હતી. આ ઘટનામાં કોઈને ઈજા કે જાનહાનીની ઘટના બનવા પામેલ નથી. કાર ચાલકના જણાવ્યા અનુસાર કારમાં અચાનક શોર્ટ સર્કીટ થતાં આગ પકડી લીધી હતી. મારી વાનમાં સીએનજી કીટ લગાવવામાં આવેલ છે. જો સમય પર આગ પર કાબુ નહીં મેળવ્યો હોત તો મોટી દુર્ઘટના બનવાની સંભાવના હતી.