મૃતકની ઓળખ ચિંતુ શર્મા હોવાની તેના ભાઈ રાજુ શર્માએ કરી
(વર્તમાન પ્રવાહ વાપી બ્યુરો)
વાપી, તા.14: વાપી નજીક કરવડ અને ડુંગરી ફળીયા વચ્ચે આવેલી સિમમાંથી એક યુવકની ઝાડે લટકતી ફાંસો ખાધેલી લાશ મળી આવતા ચકચાર મચી જવા પામી હતી.
કરવડ સિમમાં ભેંસો ચરાવી રહેલ ચરવાહાએ સોમવારે બપોરે ઝાડ ઉપર લટકતી એક યુવાનની લાશ જોઈ હતી. તેણે અન્યોની વાત કરતા નજીકમાં રહેતા મુકતાર અહમદ ઘાંચી પાસે વાત પહોંચતા તેઓ ઘટના સ્થળે પહોંચી ગયા હતા. સ્થાનિક પોલીસને જાણ કરી હતી તેમજ આજુબાજુથી જાણકારી મેળવી હતી. તેમાં મૃતક યુવાનનો નાનો ભાઈ રાજુ શર્માને શોધાયો હતો. રાજુએ પોતાના મૃતક ભાઈ ચિંતુ શર્મા (ઉ.વ.25) હોવાની ઓળખ કરી હતી તેમજજણાવેલ કે તે બે-ત્રણ દિવસથી ઘરેથી ગૂમ હતો. પોલીસે લાશ નીચે ઉતારી પી.એમ. માટે મોકલી આપી આગળની તપાસ હાથ ધરી હતી.
