(વર્તમાન પ્રવાહ ન્યુઝ નેટવર્ક) ચીખલી(વંકાલ), તા.19
ચીખલી પોલીસે ચાર રસ્તા ઓવરબ્રિજ પાસેથી રૂા.37 લાખનો વિદેશી દારૂના જથ્થા સાથે એક ને ઝડપી પાડી વધુ તપાસ હાથ ધરી છે.
બનાવની પોલીસ મથકેથી પ્રાપ્ત માહિતી અનુસાર ચીખલી પોલીસ મથકના પીએસઆઈ શ્રી સમીર જે.કડીવાલા, એએસઆઈ શ્રી મેહુલ રબારી, શ્રી વિજયભાઈ સહિતના સ્ટાફ પેટ્રોલિંગમાં હતો.
દરમ્યાન ખાનગી બાતમી મળી હતી કે એક બ્લ્યુ કલરનો અશોક લેલન બોડીવાડો કન્ટેનર નં.એમએચ-46-એએફ-7409 માં દારૂ ભરી વલસાડ તરફથી નીકળી સુરત તરફ જનાર છે. જે હકીકત બાતમીના આધારે ચીખલી પોલીસે ચીખલી ચાર રસ્તા ઓવરબ્રિજ પાસે સેફરોન હોટલ સામે મુંબઈથીઅમદાવાદ જતા ટ્રેક ઉપર વોચ ગોઠવી હતી. દરમિયાન બાતમી મુજબનું કન્ટેનર આવતા જેને રોકી તલાશી લેતા અંદરથી વિદેશી દારૂની હિસ્કી તથા વોડકાની નાની મોટી બોટલ તથા ટીન બિયર નંગ 23,160 જેની કિં.રૂા.21,88,320/-, તેમજ અશોક લેલન કન્ટેનર કિં.રૂા.15,00,000/- તેમજ રોકડા રૂા.1,830/- તથા બે મોબાઈલ કિં.રૂા.10,000/- કુલ્લે રૂા.37,00,150/- ના મુદ્દામાલ સાથે કન્ટેનર ડ્રાઇવર રામકુમાર પ્રેમનાથ યાદવ (મૂળ રહે.દેવરિયા પોસ્ટે મુંજાર તા.મછલી શહેર જી.જોનપુર (યુ.પી) (હાલ રહે.રૂમ નં.142 ભેન્ડખલ ગામ પોસ્ટ બોકડવીર તા.ઉરન જી.રાઇગઢ (મહારાષ્ટ્ર) ને ઝડપી પાડ્યો હતો. જ્યારે માલ ભરાવનાર રાજારામ પાટીલને પોલીસ ચોપડે વોન્ટેડ જાહેર કરી વધુ તપાસ નવસારી ડીવાયએસપી શ્રી એસ.કે.રાય કરી રહ્યા છે.