(વર્તમાન પ્રવાહ ન્યુઝ નેટવર્ક)
સેલવાસ, તા.18 : સંઘપ્રદેશ દમણ અને દાદરા નગર હવેલીમાં આજે સાંજ થતાં ની સાથે જ ગાજવીજ અને ભારે પવન સાથે વરસાદ શરૂ થઈ ગયો હતો, જેના કારણે વાતાવરણમાં આંશિક ઠંડક તો પ્રસરી હતી, પરંતુ કડાકા ભડાકા સાથે લગભગ દરરોજ આવતા વરસાદના કારણે લોકોમાં ભયનો માહોલ ઉભો થઈ રહ્યો છે. આજે વરસેલા વરસાદના કારણે કેટલાક વિસ્તારોમાં પાણી ભરાઈ ગયા હતા. હાલમાં વરસીરહેલા વરસાદથી ખેડૂતોમાં ચિંતાનો માહોલ જોવા મળી રહ્યો છે. કારણ કે ડાંગરનો પાક તૈયાર થઈ ગયો છે અને તેની કાપણીનો સમય થઈ ગયો છે, પરંતુ એકાદ-બે દિવસ બાદ ફરી ફરીને વીજળીના કડાકા ભડાકા અને ભારે પવન સાને વરસાદ વરસતા ડાંગરનો ઉભો પાક જમીન પર ઢળી જવાને કારણે નુકસાન થઈ રહ્યું છે.
હવામાન વિભાગ દ્વારા હજુ પણ પાંચ દિવસ છૂટાછવાયા વરસાદની આગાહી કરવામાં આવી રહી છે.