November 30, 2025
Vartman Pravah
Breaking Newsડિસ્ટ્રીકટદમણદીવદેશસેલવાસ

‘વિશ્વ હિન્‍દુ પરિષદ’ દ્વારા દાનહના દૂધની ગામના બે બાળકોને દત્તક લીધાં

સંગઠને બંને બાળકો સહિત તેમના પરિવારનો સંપૂર્ણ ખર્ચ ઉઠાવવાની આપેલી બાહેંધરી

(વર્તમાન પ્રવાહ ન્‍યુઝ નેટવર્ક)
સેલવાસ,તા.14: દાદરા નગર હવેલીના ઊંડાણના દૂધની ગામના બે બાળકો પોતાનું ભણતર છોડી રહી હોવાનો સંદેશ વિશ્વ હિન્‍દુ પરિષદના પ્રતિનિધિઓને મળતા તેઓ તાત્‍કાલિક એમના પરિવારને મળ્‍યા હતા અને બન્ને બાળકોનું ભણતર તેમજ એમના પરિવારનો જરૂરિયાતનો ખર્ચ ઉઠાવવાની બાહેંધરી આપી હતી.
દૂધની ગામની સરકારી શાળાના પ્રિન્‍સિપાલ અને એકશિક્ષકનો વિશ્વ હિન્‍દુ પરિષદની ટીમને ફોન આવ્‍યો જેઓએ જણાવેલ કે કુ. અનીશાબેન કમલેશભાઈ કામડી ધોરણ દસમાં ભણતી છોકરી જે બિલધરી પટેલપાડા- દૂધની જેના પિતા હયાત નથી અને માતા સુનિતાબેન કામડી છેલ્લા ત્રણ વર્ષથી બીમારીના કારણે ખાટલા પર જ પડી રહે છે. જ્‍યારે નાનો ભાઈ નવમા ધોરણમાં ભણે છે. ઘરમાં ખાવા-પીવાનો સામાન પણ નથી અને માતાની સેવા પણ કરવી પડે છે, જેથી બાળકી સ્‍કૂલ છોડવા માંગે છે. જેવી આ ખબર મળતા વિશ્વ હિન્‍દુ પરિવારની ટીમ દૂધની સરકારી શાળામાં પહોંચી પ્રિન્‍સિપાલ અને શિક્ષક સાથે એ છોકરીના ઘરે જઈ ઘરની પરિસ્‍થિતિ જોઈ હતી તો ઘરમાં હાલમાં અનાજ કે અન્‍ય ખાવા-પીવાની કંઈ જ ચીજવસ્‍તુ નહીં હતી. જેથી તાત્‍કાલિક ટીમે ત્રણ ચાર મહિના ચાલે એટલું રાશન ભરી આપ્‍યું હતું અને રોકડ રકમ પણ આપવામાં આવી હતી અને જ્‍યાં સુધી બન્ને બાળક કમાવવા લાયક નહીં થાય ત્‍યાં સુધી તેઓનો સંપૂર્ણ ખર્ચ ઉઠાવવાની જવાબદારી લીધી હતી. આ સરાહનીય કાર્યની શાળાના આચાર્ય અને શિક્ષકે પણ સરાહના કરી હતી. આ અવસરે વિશ્વ હિન્‍દુ પરિષદના શ્રી પ્રશાંત પાટીલ, શ્રી સુનિલ મહાજન સહિત ટીમ ઉપસ્‍થિત રહ્યા હતા.

Related posts

સ્‍ટેટ લીગલ સર્વિસ ઓથોરિટી દમણ દ્વારા કોર્ટ પરિસરમાં પેરા લીગલ વોલ્‍યુન્‍ટર્સ માટે બેદિવસીય કાર્યપ્રણાલી પ્રશિક્ષણ શિબિરનો આરંભ

vartmanpravah

ધરમપુરમાં વિશ્વાસથી વિકાસયાત્રા કાર્યક્રમમાં રૂ.2.07 કરોડના કામોનું લોકાર્પણ અને રૂ.12.51 કરોડના કામોનું ખાતમુહૂર્ત કરાયું

vartmanpravah

દાનહ પ્રશાસન દ્વારા ખખડધજ બનેલા મુખ્‍ય રસ્‍તાઓના નવીનિકરણના કામનો કરાયેલો પ્રારંભ

vartmanpravah

દમણ જિલ્લા પ્રશાસન દ્વારા આ વર્ષે સાદગીપૂર્ણ રીતે થનારી મુક્‍તિ દિવસની ઉજવણી

vartmanpravah

સુશાસન સપ્તાહ અંતર્ગત : દમણ જિલ્લા પ્રશાસન દ્વારા ભીમપોર ગ્રામ પંચાયતમાં ‘પ્રશાસન ગામ તરફ’ શિબિર યોજાઈ

vartmanpravah

ટાઉન પોલીસની જાંબાઝ અભિનંદનીય કામગીરી: વાપીમાં સગીર બાળાનું અપહરણ કરનાર આરોપીને પોલીસે માત્ર ગણતરીના કલાકોમાં દબોચી લીધો

vartmanpravah

Leave a Comment