સીટી પોલીસે કબજો લઈ યુવાન અંગેની શોધખોળ હાથ ધરી
(વર્તમાન પ્રવાહ વાપી બ્યુરો)
વાપી, તા.17: છેલ્લા 44 કલાકથી વલસાડ શહેર અને જિલ્લામાં અતિશય ભારેથી અતિભારે વરસાદ પડી રહ્યો છે જે અનિચ્છનીય બનાવો નોતરી રહ્યો છે. તેવો વધુ એક બનાવ આજે શનિવારે વલસાડ કૈલાસ રોડ સ્મશાન ભૂમિ નજીક ઔરંગા નદી કિનારે એક અજાણ્યા યુવકની લાશ તણાઈ આવીહતી.
પ્રાપ્ત વિગતો મુજબ વલસાડ વિસ્તારમાં થઈ રહેલી અતિવૃષ્ટિ આધિન આજરોજ વલસાડના કૈલાસ રોડ સ્મશાન ભૂમિ નજીક વહેતી ઔરંગા નદી કિનારે એક અજાણ્યા યુવકની લાશ વહેતી આવી પડેલી હાલતમાં મળી આવી હતી. જેની જાણ સી.ટી. પોલીસને થતા પોલીસ ઘટના સ્થળે પહોંચી લાશનો કબજો કરી આગળની વધુ તપાસ હાથ ધરી હતી.
