(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.13: સાદકપોર ચાડીયા ફળીયા ખાતે રહેતા મહેન્દ્રભાઈ ડાહ્યાભાઈ કો.પટેલ (ઉ.વ-71) જે બપોરના 3 વાગ્યાના સમય દરમ્યાન ઘરથી નીકળી રસ્તો ક્રોસ કરી રહ્યા હતા તે દરમ્યાન ખેરગામ તરફથી આવતી ઇકો કાર નં. જીજે-15-સીએફ-7995ના ચાલક કાદિર ઉમરઅલી સૈયદઅલી (રહે.લીમડાચોક મિનારા, મસ્જીદ પાસે, શાકભાજી માર્કેટ,ધરમપુર, તા.ધરમપુર જી.વલસાડ) પોતાના કબ્જાની ઈકો કાર પુરઝડપે અને ગફલતભરી રીતે હંકારી લાવી મહેન્દ્રભાઈ કો.પટેલને અડફટે લેતા બંને પગ તથા છાતીના ભાગે તેમજ માથાના ભાગે ગંભીર ઈજા પહોંચતા ચીખલીની ખાનગી હોસ્પિટલમાં લઈ જતા ફરજ પરના તબીબે તેને મૃત જાહેર કરતા બનાવ અંગેની ફરિયાદ શૈલેશભાઈ મહેન્દ્રભાઈ કો.પટેલ (રહે.સાદકપોર ચાડીયા, ફળીયા તા.ચીખલી) એ કરતા પોલીસે ઈકો કાર ચાલક વિરૂધ્ધ અકસ્માત મોતનો ગુનો નોંધી વધુ તપાસ પીએસઆઇ-સમીર જે.કડીવાલા કરી રહ્યા છે.
