(વર્તમાન પ્રવાહ ન્યુઝ નેટવર્ક)
દમણ, તા.16 : દમણ જિલ્લાની મરવડ ઉચ્ચ પ્રાથમિક શાળામાં પ્રિ-પ્રાઈમરી અને ધોરણ 1માં પ્રવેશ લેતા નાના બાળકોને આનંદ-ઉત્સાહ સાથે શાળા પ્રવેશ કરાવવામાં આવ્યો હતો.
આ પ્રસંગે સંઘપ્રદેશના હાયર અને ટેક્નિકલ એજ્યુકેશન નિર્દેશક શ્રી શિવમ તેવટિયા મુખ્ય અતિથિ તરીકે ઉપસ્થિત રહી બાળકોનું ઉત્સાહવર્ધન કર્યું હતું.
આ પ્રસંગે મરવડ ગ્રામ પંચાયતના સરપંચ શ્રીમતી પ્રીતિબેન હળપતિ અને ઉપ સરપંચ શ્રી સતિષભાઈ પટેલ પણ ઉપસ્થિત રહ્યા હતા.
મુખ્યઅતિથિ શ્રી શિવમ તેવટિયાએ દમણની સરકારી એન્જિનિયરીંગ કોલેજમાં ધોરણ 12 પછી ચાલતા વિવિધ અભ્યાસક્રમોનું શાળાના આચાર્ય શિક્ષકો અને સ્કૂલ મેનેજમેન્ટ કમીટિના અધ્યક્ષ સાથે વાતચીત કરી વિશેષ માર્ગદર્શન આપ્યું હતું અને સરકારી કોલેજનો વધુમાં વધુ લાભ લેવા પ્રેરિત કર્યા હતા.
