આવતીકાલ ગુરૂવારે ટ્રાયલ રન અને ગુરુવારથી રેગ્યુલર ટ્રેન શરૂ થઈ જશે
(વર્તમાન પ્રવાહ વાપી બ્યુરો)
વાપી, તા.01: વલસાડ જિલ્લામાં અસંખ્ય પરિવારો ઉત્તર ગુજરાતના વસવાટ કરી રહ્યા છે તેવા પરિવારો માટે પﾍમિ રેલવે દ્વારા દિવાળી ભેટ સમાન નવી ટ્રેન કાર્યરત થનાર છે. તા.03 ગુરુવારથી વલસાડ-વડનગર ઈન્ટરસીટી એક્સપ્રેસ ટ્રેન શરૂ થઈ જશે. જેનો લાભ અમદાવાદ, ગાંધીનગર, મહેસાણા, વિસનગર અને વડનગર આસપાસ વસતા પરિવારો માટે વતનમાં આવવા જવા માટે મળતો થઈ જશે.
નવી શરૂ થનાર વલસાડ-વડનગર ઈન્ટરસીટી ટ્રેન નં.19010 વલસાડથી સવારે 5:45 કલાકે પ્રસ્થાન કરશે અને આગમન 12:45 વાગે થશે તે પ્રમાણે ટ્રેન નં.19010 વડનગર-વલસાડ પ્રસ્થાન 16:45 કલાકે કરશે અને રાતે 12:35 કલાકે વલસાડ આવી પહોંચશે. આ ટ્રેન બન્ને તરફ નવસારી, સુરત, ભરૂચ, વડોદરા, આણંદ, નડિયાદ, અમદાવાદ, ગાંધીનગર કેપીટલ અને મહેસાણા થોભશે. પશ્ચિમ રેલવે તરફથી આ નવી કાર્યરત થનારી ટ્રેન ખાસ કરીને ગાંધીનગર, મહેસાણા, વિસનગર, ઊંઝા, વડનગર આસપાસ વસતા પરિવારોને વલસાડથી વતન આવવા જવા માટે વધુ સરળ અને સુલભ બની રહેશે તેથી ગુજરાત વાસીઓમાં આનંદછવાયેલો જોવા મળી રહ્યો છે.
