(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.09: ચીખલી તાલુકાના પીપલગભાણ ખુટીયાઆંબા ખાતે રહેતા સુનિલ જયેશભાઇ નાયકા (રહે.પીપલગભાણ, ખુટીયાઆંબા, તા.ચીખલી) જે પલ્સર મોટર સાયકલ નં. જીજે-21-બીપી-2580 ઉપર ગામના હર્ષદ ચંદુભાઇ પટેલ સાથે પીપલગભણ થી ચીખલી આવી રહ્યા હતા તે દરમ્યાન સાદકપોર ચાડીયા ફળીયા પાસે એક આઈસર ટેમ્પો નં જીજે-21-ડબ્લ્યુ-3346ના ચાલકે પલ્સર મોટર સાયકલ ઉપર સવાર બન્ને યુવકોને અડફટે લેતા પાછળ બેસેલ હર્ષદ ચંદુભાઈ પટેલ (ઉ.વ. 24) (મૂળ રહે.બલવાડા, નવાનગર, તા.ચીખલી) (હાલ રહે.પીપલગભાણ, ખુટીયાઆંબા, તા.ચીખલી)ને માથાના ભાગે ગંભીર ઈજાઓ પહોંચતા જેનું ઘટના સ્થળે જ મોત નિપજ્યું હતું જ્યારે મોટર સાયકલ ચાલક સુનીલ પટેલને શરીરે ઈજાઓ થતા સારવાર અર્થે સુરત ખાતે ખસેડવામાં આવ્યો છે. બનાવની ફરિયાદ સતીષ મનુભાઈ નાયકા (ઉ.વ. 37) (રહે.બલવાડા, નવાનગર, તા.ચીખલી) એ કરતા પોલીસેઅકસ્માત મોતનો ગુનો નોંધી વધુ તપાસ પીએસઆઈ શ્રી એસ.જે.કડીવાલા કરી રહ્યા છે.
