(વર્તમાન પ્રવાહ ન્યુઝનેટવર્ક)
ચીખલી,(વંકાલ), તા.13
ચીખલી તાલુકાના વંકાલ સુંદર ફળીયા ખાતે રહેતા ધર્મેશ બાબુભાઈ પટેલ (ઉ.વ.40) જે ગુરુવારની સવારના સાડા પાંચેક વાગ્યાના અરસામાં ચીખલી ચાલતા આવી રહ્યા હતા. દરમ્યાન એક અજાણ્યો વાહન ચાલકે પોતાના કબ્જાનું વાહન પુરઝડપે અને ગફલતભરી રીતે હંકારી મજીગામ વાયરલેસ પાસે બીલીમોરથી ચીખલી જતા રોડ ઉપર ચાલતા જઈ રહેલા ધર્મેશ પટેલને પાછળથી ટક્કર મારતા જેને માથાના ભાગે તથા છાતીના ભાગે ગંભીર ઇજા પહોંચતા પ્રાથમિક સારવાર ચીખલી સીએચસી બાદ વધુ સારવાર અર્થે વલસાડ ખસેડાતા જ્યાં શનિવારની રાત્રીના સમયે દરમ્યાન ફરજ પરના તબીબે મૃત જાહેર કરતા બનાવની ફરિયાદ સતિષભાઈ મગનભાઈ પટેલ (ઉ.વ-42) (રહે.વંકાલ સુંદર ફળીયા તા.ચીખલી) એ કરતા વધુ તપાસ પીએસઆઈ શ્રી જે.બી.જાદવ કરી રહ્યા છે.
