(વર્તમાન પ્રવાહ ન્યુઝ નેટવર્ક)
સેલવાસ,તા.13: દાદરા નગર હવેલીના દાદરા ગામના સામાજીક અગ્રણી શ્રી વિરલભાઈ શાહે એમનો તથા એમની દીકરી જૈમિનીનો જન્મ દિવસ દાદરા ગામની પ્રાથમિક શાળાના બાળકોને તિથિ ભોજન કરાવીને ઉજવણી કરવામાં આવી હતી. અગ્રણી શ્રી વિરલભાઈની દીકરીએ વિદ્યાર્થીઓની ઉપસ્થિતિમાં કેક કાપી હતી. ત્યારબાદ ગુજરાતી અને અંગ્રેજી માધ્યમના 3200 જેટલા વિદ્યાર્થીઓને જાતે જ ભોજન પીરસ્યું હતું અને તેઓ સાથે સમય વિતાવીને જન્મ દિવસની ઉજવણીને યાદગાર બનાવ્યો હતો. આ પ્રસંગે શાળાના શિક્ષકોએ પણ જૈમિનિને સ્મૃતિ ભેટ આપી આશીર્વાદ આપ્યા હતા. આ અવસરે શ્રી વિરલભાઈ શાહનો પરિવાર દાદરા પંચાયતના ચૂંટાયેલા જનપ્રતિનિધિ, જૈન સમાજના અગ્રણીઓ, શાળાના આચાર્ય, શિક્ષકો સહિત વિદ્યાર્થીઓ ઉપસ્થિત રહ્યા હતા.