લોકોને અને ખાસ કરીને નવી પેઢીને વાંચતા કરવા દમણવાડા ગ્રામ પંચાયતે શરૂ કરેલા અભિયાનની પણ કરેલી પ્રશંસા
(વર્તમાન પ્રવાહ ન્યુઝ નેટવર્ક)
દમણ, તા.20
દમણ જિલ્લા પંચાયતના પૂર્વ પ્રમુખ અને દમણ-દીવના મહિલા નેતા શ્રીમતી તરૂણાબેન પટેલે શનિવારે દમણવાડા ગ્રામ પંચાયત દ્વારા નિર્મિત લાયબ્રેરીની મુલાકાત લીધી હતી.
શ્રીમતી તરૂણાબેન પટેલે લાયબ્રેરીની મુલાકાત દરમિયાન દમણવાડા ગ્રામ પંચાયત દ્વારા લોકજાગૃતિ માટે કરવામાં આવેલી પહેલની પ્રશંસા કરી હતી. તેમણે જણાવ્યું હતું કે, લોકોને અને ખાસ કરીને નવી પેઢીને વાંચતા કરવા શરૂ કરેલું દમણવાડા ગ્રામ પંચાયતનું અભિયાન ખરેખર કાબિલે તારીફ છે.