March 29, 2024
Vartman Pravah
Breaking Newsડિસ્ટ્રીકટદમણ

દાભેલ ગ્રા.પં.ના પંચાયત ઘરનું થનારૂં નવીનિકરણઃ સ્‍પોર્ટ્‍સ કોમ્‍પલેક્ષના સમારકામનો પણ પ્રસ્‍તાવ

દાભેલ ગ્રા.પં.ના સરપંચ હેમાક્ષીબેન પટેલના અધ્‍યક્ષસ્‍થાને ભારત સરકારની ‘સબકી યોજના, સબકા વિકાસ’જીપીડીપી અંતર્ગત મળેલી ગ્રામસભામાં લેવાયેલા મહત્‍વના નિર્ણયો : સર્વાનુમતે મંજૂર કરાયેલ ગ્રામ પંચાયત ડેવલપમેન્‍ટ પ્‍લાન

(વર્તમાન પ્રવાહ ન્‍યુઝ નેટવર્ક)
દમણ, તા.22: દમણ જિલ્લાની દાભેલ ગ્રામ પંચાયતના સરપંચ શ્રીમતી હેમાક્ષીબેન પટેલના અધ્‍યક્ષસ્‍થાને આજે પંચાયત પરિસર ખાતેભારત સરકારની ‘સબકી યોજના, સબકા વિકાસ’ ગ્રામ પંચાયત ડેવલપમેન્‍ટ પ્‍લાન (જીપીડીપી) અંતર્ગત ગ્રામસભાનું આયોજન કરવામાં આવ્‍યું હતું. જેમાં અગામી વર્ષ દરમિયાન દાભેલ ગ્રામ પંચાયત વિસ્‍તારમાં થનારા પ્રસ્‍તાવિત વિકાસકામોની ચર્ચા અને નવા કામોનું સૂચન કરવામાં આવ્‍યું હતું.
આ પ્રસંગે દમણ જિલ્લા પંચાયતના પ્રમુખ શ્રી નવિનભાઈ પટેલે દમણ જિલ્લા પંચાયત દ્વારા દાભેલ પંચાયત અંતર્ગત થનારા કામોની માહિતી આપી હતી. તેમણે અગામી સમયમાં થનારા વિકાસ કામોની પણ ઉપસ્‍થિત ગ્રામજનોને વિગતવાર જાણકારી આપી હતી.
દમણના વિકાસ ઘટક અધિકારી (બીડીઓ) શ્રી પ્રેમજીભાઈ મકવાણાએ ગ્રામજનોને આરોગ્‍ય, દાભેલ અને રીંગણવાડા ખાતે આવેલ શાળાઓના ઈન્‍ફ્રાસ્‍ટ્રક્‍ચર, ગામમાં સાફ-સફાઈ તેમજ સ્‍વચ્‍છતા જાળવી રાખવા માટે ગામના ચાલમાલિકો દ્વારા મળતા સહયોગ વિશે ચર્ચા કરી હતી. તેમણે ગામલોકોને વરસાદ દરમિયાન વધુમાં વધુ પાણીનો સંચય કરવા તથા પંચાયત વિસ્‍તારમાં આવેલ તળાવોને વરસાદ પહેલાં ઊંડા કરવા અને દમણ સ્‍થિત ગૌશાળા વિશે માહિતી આપી હતી.
જિલ્લા પંચાયતના જાહેર બાંધકામ વિભાગ દ્વારા જિલ્લા પંચાયત દ્વારા દાભેલ પંચાયતના પ્રસ્‍તાવિત કામો તથા અગામી વર્ષે લેવાનારા પંચાયત ઘરના નવીનિકરણ, પંચાયત વિસ્‍તારના નવા રોડ તેમજ ગટરનુંનિર્માણ તથા દાભેલ સ્‍પોર્ટ્‍સ કોમ્‍પલેક્ષના સમારકામ વિશે વિસ્‍તૃત માહિતી આપી હતી.
આરોગ્‍ય વિભાગથી ઉપસ્‍થિત અધિકારી દ્વારા પ્રધાનમંત્રી જન આરોગ્‍ય યોજના (પીએમજેએવાય) આયુષ્‍માન ભારત કાર્ડ તેમજ પ્રધાનમંત્રી માતૃવંદના યોજના વિશે જાણકારી આપી હતી. ખેતી વિભાગથી ઉપસ્‍થિત અધિકારીએ પ્રધાનમંત્રી કિસાન સમ્‍માન યોજના, પ્રધાનમંત્રી માનધન યોજના તેમજ કિસાન ક્રેડિટ કાર્ડ અંગે માહિતી આપી હતી.
ગ્રામસભામાં ગ્રામજનોએ વિવિધ વિભાગોમાંથી આવેલા અધિકારીઓને પ્રશ્નો પૂછી જાણકારી પણ મેળવી હતી. જેમાં ગામમાં મૃત થતા ઢોરના નિરાકરણ, વોટર હાર્વેસ્‍ટિંગ, દાભેલ ગામના તળાવનું નવીનિકરણ, પાણીના જોડાણનું બિલ નહીં મળવા, તળાવમાં ઠલવાતા ગંદા પાણીના સંદર્ભમાં તથા ગામના રસ્‍તા તેમજ ગટરના સંબંધમાં કરાયેલી રજૂઆતોનો સમાવેશ થતો હતો.
ગ્રામસભામાં દાભેલ ગ્રામ પંચાયતના સેક્રેટરી શ્રી રોની પટેલે ગ્રામસભાની કાર્યસૂચિ મુજબ ગત વર્ષના ફિઝિકલ પ્રોગ્રેસ, ફંડ યુટિલાઈઝેશન, ચાલુ વર્ષની વિવિધ યોજનાઓનું અમલીકરણ તથા અગામી વર્ષના એક્‍શન પ્‍લાનની ચર્ચા કરી મંજૂરી માટે ગ્રામસભા સમક્ષ રાખવામાં આવ્‍યો હતો. ગ્રામસભાએ સર્વાનુમતે અગામી વર્ષ 2023-’24 માટે ગ્રામ પંચાયત ડેવલપમેન્‍ટ પ્‍લાનને મંજૂર કર્યો હતો.
આ ગ્રામસભામાંદાભેલ વિભાગના જિલ્લા પંચાયત સભ્‍ય ડો. ભૂપેન્‍દ્રભાઈ પટેલ, જિલ્લા પંચાયતના જાહેર બાંધકામ વિભાગના સહાયક ઈજનેર શ્રી સંદિપ તંબોલી તથા અન્‍ય વિભાગથી આવેલા અધિકારીઓ અને કર્મચારીઓ તથા ગ્રામજનો ઉપસ્‍થિત રહ્યા હતા.

Related posts

દમણ જિલ્લા પંચાયતના નવનિયુક્‍ત પ્રમુખ જાગૃતિબેન પટેલે સંભાળેલો અખત્‍યાર

vartmanpravah

176-ગણદેવી વિધાનસભામાં રાજકીય પાર્ટીએ ઉમેદવાર જાહેર કરતા પક્ષમાં જ હોબાળો : ઉમેદવાર બદલવા દાવ પેચ શરૂ

vartmanpravah

વર્ષો જૂની પરંપરા ફરીથી તાજી કરાવતો જગતનો તાત

vartmanpravah

દમણની ‘NIFT’નું ‘કન્‍વર્જ-2023’માં શાનદાર પ્રદર્શનઃ મળેલો પ્રતિષ્‍ઠિત જ્‍યુરી એવોર્ડ

vartmanpravah

જૂની પેન્‍શન યોજના સહિતનાં પડતર પ્રશ્નોનાં સંતોષકારક ઉકેલનાં આવેદનપત્ર સાથે રાજયભરનાં સરકારી કર્મચારીઓ ગાંધીનગર ઉમટયા

vartmanpravah

મલાવ ખાતે આરટીઓ અધિકારીએ નિયમ વિરુદ્ધ ચાલતી માટી ભરેલી બે ટ્રક સામે કરેલી કાર્યવાહી

vartmanpravah

Leave a Comment