(વર્તમાન પ્રવાહ ન્યુઝ નેટવર્ક)
ચીખલી(વંકાલ),તા.04: ચીખલીના સમરોલીમાં નવા તળાવના કિનારે આવેલપૌરાણિક ફુલદેવી માતાના મંદિરના 24માં પાટોત્સવની ઉજવણી શ્રી ફુલદેવી માતાજી ધર્મદા ટ્રસ્ટના નેજા હેઠળ સ્થાનિક ભક્તો દ્વારા ભવ્ય ઉજવણી કરવામાં આવી હતી વહેલી સવારથી જ હરીશભાઈ મહારાજ સહિતના ભૂદેવોના વૈદિક મંત્રોચ્ચાર સાથે યજ્ઞની શરૂઆત કરવામાં આવી હતી જેમાં અનેક ભક્તો જોડાઈ યજ્ઞમાં આહુતિ આપી હતી આ દરમિયાન માતાજીની મહા આરતી પણ કરવામાં આવી હતી ફુલદેવી માતાજીના મંદિરે ભક્તો મોટી સંખ્યામાં ઉમટી પડી માતાજીની પૂજા અર્ચના દર્શન કરી ધન્યતા અનુભવી હતી. આ પ્રસંગે ભજનોનીકેટલી ગામના ભજન મંડળ દ્વારા રમઝટ બોલાવવામાં આવી હતી આ ઉપરાંત મહાપ્રસાદનો પણ હજારોની સંખ્યામાં ભક્તોએ લ્હાવો લીધો હતો. પાટોત્સવ નિમિત્તે આયોજકો દ્વારા યજ્ઞમાં જોડાનાર યજમાનોને માતાજીની તસવીર પણ ભેટ સ્વરૂપે આપવામાં આવી હતી.