વધુ પડતો લીલોચારો ખાવાથી પેટ ફૂલી જતા શ્વાસમાં તકલીફ પડી રહી હતી
(વર્તમાન પ્રવાહ ન્યુઝ નેટવર્ક)
વલસાડ, તા.26: વલસાડ જિલ્લાનાં ઉમરગામ તાલુકાના કલગામમાંરહેતા પશુપાલક મુકેશભાઈ આહિરની ભેંસને શ્વાસ લેવામાં તકલીફ પડતા તેમણે EMRI ગ્રીન હેલ્થ સર્વિસની 1962 હેલ્પલાઈનને કોલ કરી મદદ માંગી હતી. ઈમર્જન્સી કોલ મળતા મરોલી લોકેશનના 10 ગામ દીઠ ફરતા પશુ દવાખાના MVD એમ્બ્યુલન્સના ડો. લાદુરામ વિષ્ણોઇ અને પાયલોટ કમ ડ્રેસર રણજીતભાઇ બારીયા તુરંત જ ઘટના સ્થળે પહોંચી ગયા હતા ત્યારે માલુમ પડયું કે, વધુ પડતો લીલો ઘાસચારો ખાવાને કારણે ભેસનું પેટ ફૂલી ગયું હતું અને શ્વાસ લેવામાં તકલીફ પડતી હતી. જેથી પશુચિકિત્સક ડો. લાદુરામ વિષ્ણોઈએ ફૂગારોની તકલીફથી પીડાતી ભેંસને જંતુ મુક્ત સોઈ (વ્શ્વંણૂત્રર્્ીશ્વ ણર્ૂીઁયર્શ્રી) પેટમાં મુકી ગેસ દૂર કર્યો હતો સાથે જ ફરી ગેસ નહિ થાય એ માટે 100 મિલી જેટલું પ્રવાહી તશળ (Trochar canula) પીવડાવવામાં આવ્યું હતું. યોગ્ય સારવાર અપાતા ભેંસને શ્વાસ લેવામાં રાહત મળી અને સ્વસ્થ થઈ હતી. આ કાર્યમાં EMRI ગ્રીન હેલ્થ સર્વિસની 1962ની સેવા સાચા અર્થમાં પશુ અને પશુપાલક માટે વરદાન રૂપ સાબિત થઈ હતી.
