સ્થાનિક કાઉન્સીલરને ફરિયાદ કરાઈ હતી છતાં 6-7 મહિનાથી કુટણખાનું ચાલતું હતું : 3 લલના ઝડપાઈ
(વર્તમાન પ્રવાહવાપી બ્યુરો)
વાપી, તા.26: વાપી ગીતાનગર વિસ્તારમાં લાંબા સમયથી ચાલી રહેલ કુટણ ખાનાને જનતાએ રેડ કરી ગોરખ ધંધાનો પર્દાફાસ કર્યો હતો. હોબાળા બાદ પોલીસ આવી પહોંચી હતી. ત્રણ લલના અને એક પુરુષને પોલીસ સ્ટેશને લઈ જવાયા હતા.
વાપી ગીતાનગર સ્થિત રામધારી ચક્કી પાસે એક ત્રણ માળની ચાલીના ગ્રાઉન્ડ ફલોર ત્રણ રૂમોમાં ગેરકાયદે કુટણખાનું લાંબા સમયથી ચાલતું હતું તેથી અગાઉ સ્થાનિક કાઉન્સીલરને લોકોએ ફરિયાદ પણ કરેલી પરંતુ કોઈ કાર્યવાહી નહી થતા રવિવારે સાંજના સ્થાનિકોએ હલ્લાબોલ મચાવી દીધો હતો. કુટણખાનામાં આવતા નશામાં ધૃત ગ્રાહકોની અવરજવરથી સ્થાનિકો કંટાળી ગયા હતા. 6-7 મહિનાથી આ કુટણખાનું ચાલું હતું. ઝડપાયેલી મહિલા શરૂઆતમાં કાઉન્સીલરને વાત કરો તેવી ધમકી આપતી હતી. કાઉન્સીલર બહાર ગામ હતો. ઘટના સ્થળેથી ત્રણ મહિલા અને એક ગ્રાહક મળી આવ્યા હતા. સ્થાનિકોએ માંગ કરી હતી કે આ ગોરખધંધા કાયમી બંધ થવા જોઈએ.