(વર્તમાન પ્રવાહ ન્યુઝ નેટવર્ક)
સેલવાસ,તા.30 : દાદરા નગર હવેલી કલેક્ટર કચેરીના નવા બિલ્ડીંગનું કામકાજ પૂર્ણ થયું છે અને ફર્નિચરનું કામ સાથે ઈન્ટરનેટકનેક્શનનું કામ પણ પૂર્ણતાના આરે છે. હાલમાં જે જૂની કલેક્ટર કચેરી છે ત્યાંથી હવે 1જાન્યુઆરી, 2023ના રોજથી કલેક્ટર કચેરી સહીત સમાજ કલ્યાણ, મામલતદાર, વેટ/જીએસટી, પ્લાનિંગ એન્ડ ઓથોરીટી, પેટા નોંધણી, શ્રમ અમલીકરણ, રોજગાર, અનુસુચિત જાતિ અને અનુસુચિત જનજાતિ આયોગ, એઆરસીએસ અને એએચવીઓ કચેરીઓ નવા બિલ્ડીંગમા ખસેડવામાં આવશે. જેથી પ્રદેશના લોકો માટે હવે રાહતની વાત છે કે મોટાભાગના વહીવટી વિભાગોની એક જ બિલ્ડીંગમાં સેવાઓ મળશે. જેની તમામે નોંધ લેવા એક અખબારી યાદીમાં જણાવાયું છે.
