(વર્તમાન પ્રવાહ ન્યુઝ નેટવર્ક)
ચીખલી(વંકાલ),તા.07: ચીખલી પોલીસે સાદકપોર-ખુડવેલ માર્ગ ઉપર ખાંભડા નહેર પાસે વોચ ગોઠવી અશોક લેલન કંપનીનો ટેમ્પો નં.જીજે-16-એવી-9346ને અટકાવી તપાસ કરતા તેમાં ડાંગરની કુસકીના નીચેથી અલગ અલગ બોક્ષમાં વિદેશી દારૂની બોટલ અને ટીનની બોટલ નંગ-3336 કિંમત રૂા. 3,37,200/-નો જથ્થો મળી આવતા સાથે ચાલક સંદીપ દીપકભાઈ પટેલ (રહે.ધોળીકુઈ દેવલીમાળી ફળીયા, તા.મહુવા જી.સુરત)ને ઝડપી લઈ ટેમ્પા સાથે રૂા.5,37,700/-નો મુદ્દામાલ કબ્જેકરી જથ્થો ભરાવી આપનાર તથા મંગાવનાર જનક રમેશ પટેલ (રહે.રોહીણાગામ, તા.પારડી, જી.વલસાડ) તથા મહેન્દ્ર ઉર્ફે દેગો (રહે.શેખપુર, તા.મહુવા, જી.સુરત) એમ બે ને વોન્ટેડ જાહેર કરી વધુ તપાસ પીએસઆઈ જયદીપસિંહ જાદવે હાથ ધરી હતી.