(વર્તમાન પ્રવાહ ન્યુઝ નેટવર્ક)
દીવ,તા.30 : દીવ નાગવા રોડ પર અચાનક જ છકડો રીક્ષાએ પલ્ટી મારતાં ચાર લોકો ગંભીર ઘાયલ થયા હતા. વણાકબારાથી દીવ તરફ છકડો રીક્ષા આવી રહી હતી ત્યારે મલાલાથી ત્રણ મહિલાઓ રિક્ષામાં બેઠયા હતા. રેમ્બો હોટલ પાસે ખાડો અને ખરાબ રોડને તારવવા જતા છકડો રીક્ષા પલ્ટી મારી જતા ચાર લોકો ઘાયલ થયા હતા. આ ચારેયને દીવ સરકારી હોસ્પિટલ ખાતે ખસેડવામાં આવ્યા હતા, જ્યાં ચારને પ્રાથમિક સારવાર આપીને રિફર કરેલ છે. જેમાં ત્રણ લોકોને ગંભીર ઈજા પહોંચી હતી જેને ઉના રિફર કરેલ, જ્યારે એકને અતિ ગંભીર ઈજા પહોંચતા રાજકોટ ખાતે રિફર કરેલ અને બે ને સામાન્ય ઈજા પહોંચી હતી જેને પણ પ્રાથમિક સારવાર અપાઈ હતી.