શહેરના વિવિધ 7 વિસ્તારના રોડો ઉપર ગેરકાયદે દબાણો હટાવવાની ઝુંબેશ શરૂ
(વર્તમાન પ્રવાહ વાપી બ્યુરો)
વાપી, તા.03: વલસાડના વિકાસની સાથે સાથે વધી રહેલી ગીચતાને લઈ ટ્રાફિક સહિતનીઅન્ય બીજી વિટંબળાઓ રોજે રોજ બેવડાઈ રહી છે તેથી વલસાડ નગરપાલિકાએ મનસુબો બનાવી લીધો છે. શહેરમાં મેગા ડિમોલિશનની કાર્યવાહી પોલીસ અને પાલિકા એક્રોચમેન્ટ વિભાગ દ્વારા ચાલુ કરી દેવાઈ છે.
વલસાડ શહેરમાં અવારનવાર વ્યાપક બુમો ઉઠતી રહી છે. ટ્રાફિક થઈ રહ્યો છે. પાર્કિંગની જગ્યા નથી, સરળ અવર જવર કરી શકાતી નથી તેને ધ્યાને લઈને નગરપાલિકા દ્વારા શહેરના વિવિધ સાત રસ્તા-રોડો ઉપર ડિમોલિશ કરવાની કાર્યવાહી હાથ ધરી છે. તેમાં સ્ટેડીયમ રોડ, તિથલ રોડ, ખત્રીવાડ રોડ, આઝાદ ચોક, નાની તાઈવાડ અને મુખ્ય બજાર રોડનો સમાવેશ થાય છે. અગાઉ પણ પાલિકા દ્વારા જે તે સમયે શહેરના દબાણકર્તાઓને પાલિકાએ નોટીસ સહિતની વિવિધ રસ્તે સજાગ કરેલા જ છે. તેથી આજે મંગળવારે પાલિકા ઈજનેર હિતેશ પટેલ, એક્રોચમેન્ટ સ્ટાફ તેમજ પી.આઈ. એસ.ડી. ચૌધરીની દરમિયાનગીરી હેઠળ પોલીસ અને પાલિકા દબાણો હટાવવા માટે એક્શન મોડ ઉપર આવી ચૂકી છે.