(વર્તમાન પ્રવાહ ન્યુઝ નેટવર્ક)
સેલવાસ,તા.૦૬: સંઘપ્રદેશમાં તંબાકુ નિયંત્રણના પ્રભાવશાળી અમલ માટે દરેક વિભાગ, આરોગ્ય, પોલીસ, શિક્ષણ, ઍક્સાઈઝ, પંચાયત અને નગરપાલિકા સંયુક્ત પ્રયાસરત થયા છે. ત્યારે આજે દાદરા નગર હવેલીના રખોલી પંચાયતના મîત્રી અને પંચાયત સ્ટાફ દ્વારા વિસ્તારના વિવિધ પાનના લારી-ગલ્લા અને હોલસેલની પાન-મસાલાની દુકાનો ઉપર રેડી પાડી તપાસ કરતા અંદાજીત ૩૦કિલો જેટલો તîબાકુ અને ગુટકાનો જથ્થો ઝડપી પાડવામાં આવ્યો હતો. પંચાયતે ઝડપી પાડેલ તંબાકુ અને ગુટકાના જથ્થાનો નાશ કરી દીધો હતો અને રખોલી પંચાયત દ્વારા પંચાયત વિસ્તારના લોકોને તમાકુ મુક્ત કરવા માટેની ઝુંબેશ ચલાવી તેમાં સાથ-સહકાર આપી વ્યસન મુક્ત બનવા અપીલ કરી હતી. આ ઝુંબેશમાં થોડાઅંશે કામયાબી પણ મળી છે અને આગળ પણ પંચાયતના મંત્રી અને પîચાયત સ્ટાફ દ્વારા લોકોના આરોગ્યના ભલા માટે તંબાકુ મુક્ત કરવા માટેની ઝુંબેશ અવિરત ચલાવવામાં આવનાર હોવાની ગ્રામજનોને માહિતી આપી હતી.