(વર્તમાન પ્રવાહ ન્યુઝ નેટવર્ક)
સેલવાસ,તા.20 : દાદરા નગર હવેલીના ગલોન્ડા ગ્રામ પંચાયતના વોર્ડ નંબર 1/11ના સભ્ય પદ માટેની પેટા ચૂંટણીમાં ઉમેદવાર તરીકે શ્રી ઉત્તમભાઈ ઢીનકરે ઉમેદવારી નોંધાવી હતી. આ પ્રસંગે ભાજપ પ્રદેશ પ્રમુખ શ્રી દીપેશ ટંડેલ, જિલ્લા ભાજપ પ્રમુખ શ્રી રાજેશ વરઠા, જિલ્લા પંચાયત પ્રમુખ શ્રીમતી નિશા ભવર, ઉપ પ્રમુખ શ્રી દિપક પ્રધાન અને તેમના પ્રશંસકો વગેરે ઉપસ્થિત રહ્યા હતા. આ બેઠક ઉપર અન્ય કોઈએ ફોર્મ ભર્યું નથી, જેથી ભાજપના ઉમેદવાર શ્રી ઉત્તમભાઈ બિનહરીફ ચૂંટાયા છે.
જ્યારે નરોલી ગ્રામ પંચાયતના સરપંચની પેટા ચૂંટણી માટે ભાજપના ઉમેદવાર શ્રીમતી લીનાબેન ધર્મેશભાઈ પટેલે પોતાનું ઉમેદવારી પત્રક ભર્યું હતું. આ અવસરે પ્રદેશ ભાજપ ઉપ પ્રમુખ શ્રી ધર્મેશસિંહ ચૌહાણ, પ્રદેશ મહામંત્રી શ્રી મહેશ ગાવિત, શ્રીમતી જુલીબેન સોલંકી સહીત પ્રતિનિધિઓ ઉપસ્થિત રહ્યા હતા.
