11 જોડાઓએ ક્લબના સહયોગ થકી પ્રભુતામાં પગલા પાડયા
(વર્તમાન પ્રવાહ વાપી બ્યુરો)
વાપી, તા.07: વાપીની લાયન્સ, રોટરી, જે.સી.આઈ. જેવી સામાજીક સંસ્થાઓ વર્ષભર અવિરત સમાજ સેવાના પ્રોજેક્ટ કરતી રહે છે તે શ્રૃંખલામાં લાયન્સ ક્લબ ઓફ વાપી નાઈસ અને ઓરા લાયન્સ ક્લબ વાપીના સંયુક્ત ઉપક્રમે સમુહ લગ્ન સમારોહનું આયોજન કરવામાં આવ્યું હતું. જેમાં જરૂરીયાતમંદ 11 જોડાઓએ શાષાોક્ત વિધિવિધાનથી પ્રભુતામાં પગલા પાડયા હતા.
લાયન્સ ક્લબ ઓફ વાપી નાઈસ અને લાયન્સ ઓરા ક્લબ દ્વારા ગતરોજ ચણોદ ભાનુશાલીની વાડીમાં સમુહ લગ્નનું આયોજન કરવામાં આવ્યું હતું. જિલ્લાના જરૂરીયાતમંદ 11 યુવક-યુવતિઓ સમુહલગ્નમાં જોડાયા હતા. સંસ્થા તરફી તેમને કરિયાવર સહિતની ભેટો અર્પણ કરાઈ હતી. સમુહ લગ્નમાં લાયન્સ ડિસ્ટ્રીક્ટ ગવર્નર મુકેશભાઈ પટેલ, વાપી નાઈસ ક્લબના પ્રોજેક્ટ ચેરમેન સ્મિતાબેન મહેતા, પૂર્વ પ્રેસિડેન્ટ શૈલેષભાઈ મહેતા, લા.રમણભાઈ પટેલ, લા.પીનાકીન મિષાી તથા ઓરો ક્લબના સેક્રેટરીભારતીબેન પટેલ, સવિતા તિવારી, હેમા ખુંબચંદાની સહિત બન્ને ક્લબની ટીમો ઉપસ્થિત રહી હતી. આ સમુહ લગ્નના મુખ્ય દાતા રાકેશ ગર્ગ અને તેમનો પરિવાર ખાસ ઉપસ્થિત રહ્યા હતા.
