કન્ટેનર રોડ સાઈડ પાર્કિંગ કરેલુ હતુ તેમ છતાં કેમ આગ લાગી, કારણનું રહસ્ય અકબંધ
(વર્તમાન પ્રવાહ વાપી બ્યુરો)
વાપી, તા.07 : વાપી નેશનલ હાઈવે ઉપર આજે મંગળવારે સવારે એક વેફર ભરેલ કન્ટેનરમાં અચાનક આગ લાગતા હાઈવે ઉપર દોડધામ મચી જવા પામી હતી.
વાપી નેશનલ હાઈવે મોરાઈ ફાટક નજીક રોડ સાઈડ પાર્કિંગમાં કન્ટેનર નં.જીજે 15 એટી 5051 પાર્ક કરેલુ હતું. આજે સવારે અચાનક બંધ કન્ટેનરમાંથી ધુમાડો દેખાતા લોકો ભેગા થઈ ગયા હતા.કન્ટેનર ચાલક અને લોકો ફાયરને ફોન કરતા બે ફાયર ફાયટરો ઘટના સ્થળે ધસી આવ્યા હતા અને તાબડતોબ આગને બુઝાવી દેવાઈ હતી. બીજી તરફ કન્ટેનરમાં ભરેલ વેફરનો જથ્થો બહાર કાઢી નંખાતા ઘણું ખરું માલ-સામાનનું નુકશાન થતું અટક્યું હતું. કન્ટેનર બંધ હાલતમાં હોવા છતાં આગ કેમ લાગી એ રહસ્ય અકબંધ રહ્યું છે.