પાણી વિતરણની અત્યાધુનિક એપ બનાવતી પાલિકાની ટેકનિક ખોરંભે
વોર્ડ નં.10 ના નગર સેવક મંગેશ પટેલ સ્વખર્ચે પાણી ટેન્કરોથી દિવસ-રાત પુરુ પાડી રહ્યા છે
(વર્તમાન પ્રવાહ વાપી બ્યુરો)
વાપી, તા.08: વાપી નગરપાલિકાના વોર્ડ નં.10 સુલપડ વિસ્તારમાં છેલ્લા દશ-પંદર દિવસથી પાણીની ગંભીર સમસ્યા ઉભી થઈ છે. મોટાભાગના ગરીબ-મધ્યમ વર્ગના આ વિસ્તાર હાલમાં એક બાલટી પાણી માટે વલખા મારી રહ્યો છે ત્યારે તેમની વ્હારે સ્થાનિક નગર સેવક મંગેશ પટેલ વ્હારે આવ્યા છે. દિવસ-રાત સ્વખર્ચે પાણીના ટેન્કરો મંગાવીને પ્રજાની સમસ્યા સાથે ખડે પગે ઉભા રહ્યા છે.
વાપી નગરપાલિકાના ટેકનિકલ સ્ટાફ દ્વારા બહેતરીન પાણી વિતરણ વ્યવસ્થા માટે અત્યાધુનિક ટેકનિકથી એપ બનાવ્યું છે. આ સફળ એપ દિલ્હીમાં પણ પાણી વિતરણ વ્યવસ્થા માટે વપરાઈ રહ્યાનું કહેવાય છે. કલેક્ટરશ્રીએ પણ એપની ભારોભાર પ્રશંસા કરીને એવોર્ડ પણ એનાયત કર્યો હતો ત્યારે એજ પાલિકાની હાલમાં પાણી વિતરણ વ્યવસ્થા જ ખોરંભે પડી છે. એપની કારગતતા ન લેખે લાગ્યાનું જોવા મળેલું આ ઉદાહરણ કહેવું રહ્યું. કારણ સંજોગ-સમય ગમે તેહોઈ શખે પણ સુલપડ પ્રજાજનો આજકાલ એક બાટલી પાણી માટે વલખા મારી રહ્યા છે. હજુ ઉનાળો તો દુર છે ત્યાંજ વાપીમાં પાણીનો કકળાટ શરૂ થઈ ચૂક્યો છે.
