(વર્તમાન પ્રવાહ ન્યુઝ નેટવર્ક) દમણ, તા.22
તા.ર0મી માર્ચ, ર0રરના રોજ એક ફરીયાદીએપોતાની ફરીયાદમાં જણાવ્યું હતું કે, તેમની પાસે એક ફોર વ્હીલર રેનોલ્ટ ડસ્ટર ગાડી નંબર ડીડી-03-જે-2317 છે. કોઈ અજ્ઞાત વ્યક્તિ અન્ય રેનોલ્ટ ડસ્ટર ગાડીમાં આજ નંબર પ્લેટનો ઉપયોગ કરી રહ્યો છે. જે અંગેની ગંભીરતા લઈ પોલીસ આ મામલાની તપાસ કરતા ડીડી-03-જે-2317 નંબરની ગાડીને જપ્ત કરી અને તે ગાડીના ચેસીસ નંબર અને એન્જીન નંબરથી જાણ થઈ કે ગાડીનું ઓરીજનલ એન્જીન નંબર જીજે-1પ-જેએન-2016 છે. જેના આધાર નાની દમણ પોલીસે યુ/એસ 467, 471,482,201 અને આઈપીસી અને મોટર વ્હીકલ એક્ટની ધારા179 મુજબ ગુનો દાખલ કરી આગળની વધુ કાર્યવાહી હાથ ધરી છે.
આગળની કાર્યવાહીને ધ્યાનમાં રાખી ગુનામાં સામેલ ઈસમ નામે બબલુ જંગી વર્મા (ઉંમર-46 વર્ષ, રહે. બરુડીયા, શેરી, નાની દમણ મૂળ રહે. બાંદા ઉત્તરપ્રદેશ)ની ધરપકડ કરવામાં આવી હતી અને આરોપીને દમણ કોર્ટમાં રજૂ કરતા વિદ્વાન ન્યાયાધીશે તા.23/03/2022 સુધી પોલીસ કસ્ટડી મંજૂર કરી છે. આ બાબતે આગળની વધુ તપાસ દમણ પોલીસ કરી રહી છે.
