(વર્તમાન પ્રવાહ ન્યુઝ નેટવર્ક)
સેલવાસ,તા.27: દાદરા નગર હવેલી પોલીસ દ્વારા સામરવરણી ગામની એક ઓટો પાર્ટ્સની દુકાનમાં ચોરી કરનાર આરોપીની ધરપકડ કરવામાં આવી છે.
પ્રાપ્ત માહિતી મુજબ ફરિયાદી મુર્તુજા સબ્બીરઅલી વીરાની (રહેવાસી સેલવાસ) જેઓએ એમની સામરવરણી ગામે આવેલ ઓટો પાર્ટ્સની દુકાનના કોઈ અજાણ્યા ઈસમે શટરનું તાળુ તોડી 80,700 રોકડ રકમની ચોરી કરી હોવાની ફરિયાદ નોંધાવી હતી. જે અંગે પોલીસે આઇપીસી 457, 380 મુજબ ગુનો નોંધી વધુ તપાસ હેડ કોન્સ્ટેબલ શ્રી જી.એન.રાઉતને સોંપવામાં આવી હતી. તપાસ માટે પોલીસની એક ટીમ બનાવી આરોપી ધનરાજ દીલીપ પાટીલ (ઉ.વ.19) રહેવાસી ઝંડાચોક, સેલવાસ મૂળ રહેવાસી જલગાંવ, મહારાષ્ટ્રની ધરપકડ કરવામાં આવી હતી અને તેની પાસેથી ચોરીની કુલ રકમ 80,700 રૂપિયા જપ્ત કરવામાં પોલીસે સફળતા મેળવી હતી.
