50 મુસાફરો દીઠ એક બસની ફાળવણી કરાશે તે પણ તમારા વિસ્તાર સુધી બસ આવશે
(વર્તમાન પ્રવાહ વાપી બ્યુરો)
વાપી, તા.03: આગામી સમયે હોળી-ધુળેટીના તહેવારો આવી રહ્યા છે ત્યારે વાપી સહિત વલસાડ જિલ્લામાં ખાસ કરીને લેબર કામકાજ કરતા મજુરોનો હોળી મનાવવા ગામડે વતન જવાનો ધસારો વધી રહ્યો હોવાનું ધ્યાને લઈને વાપી-વલસાડ એસ.ટી. વિભાગ દ્વારા તહેવારો માટે માંગો ત્યારે બસની યોજના કાર્યરત કરવામાં આવી છે. તહેવારોને લઈ ખાનગી બસ સંચાલકો બેફામ ભાડા વધારીને મુસાફરોની બેફામ લૂંટ ચલાવી રહ્યાની પણ ફરિયાદો ઉઠી રહી હોવાની એસ.ટી. વિભાગે મુસાફરોની સગવડ સેવા માટે આગળ આવી રહેલ છે.
તહેવારોને ધ્યાને લઈને એસ.ટી. વિભાગે 50 મુસાફરો હશે તો માંગો ત્યારે બસની યોજના તૈયાર કરી છે. જી.આઈ.ડી.સી. વાપી, સરીગામ,થી પંચમહાલ, દાહોદ, ગોધરા, છોટા ઉદેપુર, ઝાલોદ, લીમખેડા, ફતેપુરા વગેરેના કામદારો માટે એકસ્ટ્રા બસનુંઆયોજન વાપી ડેપો દ્વારા કરવામાં આવ્યું છે. વધુ સંપર્ક માટે ડેપો મેનેજર મો.નં.63599 18800 તથા ટ્રાફિક સુપરવાઈઝર મો.નં.99740 21200 નો સંપર્ક કરીને બસ બુક કરાવી શકાશે.