(વર્તમાન પ્રવાહ ન્યુઝ નેટવર્ક)
દમણ, તા.૦૬: રોટરી ક્લબ ઓફ દમણ અને દમણની સરકારી હોસ્પિટલના સહયોગથી ઘેલવાડ ગ્રામ પંચાયતમાં મહિલાઓ માટે ફ્રી મેડિકલ ચેકઅપ કેમ્પનું આયોજન કરવામાં આવ્યું હતું. ઘેલવાડ ગ્રામ પંચાયતના નેતાજી સુભાષચંદ્ર બોઝ સ્ટેડિયમ ખાતે આયોજિત આ કાર્યક્રમમાં શ્રી રવિન્દ્રસિંહ ધામી, શ્રી વિશ્વજીતભાઈ, શ્રી અપૂર્વ પાઠક, શ્રી અમરીશભાઈ, ઘેલવાડ ભાજપ મંડળના પ્રમુખ શ્રી અમૃતભાઈ પટેલ તથા અન્યોએ ઉપસ્થિત રહીને સહકાર આપ્યો હતો. આ ફ્રી મેડીકલ ચેકઅપ કેમ્પમાં દમણ સરકારી હોસ્પિટલના ડો.ભક્તિ સોનકર, ડો.નિહારિકા, ડો.ચંદિકાબેન, ડો.કલ્પનાબેનએ પોતાની સેવાઓ આપી હતી. આ કાર્યક્રમ ૮મી માર્ચ વિશ્વ મહિલા દિવસના ઉપલક્ષમાં આયોજીત કરવામાં આવ્યો હતો જેમાં ૮૬ મહિલાઓએ તેમના આરોગ્યની તપાસ કરાવી હતી.
