કારોબારી ચેરમેન તરીકે ભરત જાદવની જાહેરાત બાદ મિતેશ પટેલ નામ જાહેર થયું : આ પેચમાં કદાચ સભામાં ત્રીજા નામની જાહેરાત થઈ શકે છે
(વર્તમાન પ્રવાહ વાપી બ્યુરો)
વાપી, તા.22: વલસાડ જિલ્લા પંચાયતની ત્રીજી ટર્મ માટે પ્રમુખ-ઉપ પ્રમુખની ચૂંટણી બાદ પ્રથમ સામાન્ય સભા સોમવારના રોજ યોજાનાર છે. આ સભામાં કારોબારી ચેરમેનનો મુદ્દો ફરીઉછળે તેવી શક્યતાઓ જોવા મળી રહી છે.
વલસાડ જિલ્લા પંચાયતની સામાન્ય સભા સોમવારે નવી સિવિલ નનકવાડા વલસાડ ખાતે યોજાનાર છે. ગત પ્રમુખ- ઉપ પ્રમુખની ચૂંટણી દરમિયાન કારોબારી સમિતિના ચેરમેન પદ સભા શરૂ થવાના પાંચ મિનિટ પહેલા બદલાઈ ગયો હતો. જેમાં ભરત જાદવના મેન્ડેડ બાદ મિતેશ પટેલના નામની જાહેરાત થતા સભ્યોમાં નારાજગી જોવા મળી હતી. આ મુદ્દો પ્રદેશ ભાજપ સુધી પણ પહોંચ્યો છે. એટલે હવે ભાજપની છેલ્લી ઘડીએ ફેરફાર કરવાની પ્રણાલી અનુસાર કદાચ બેની લડાઈમાં ત્રીજું નામ જાહેર થાય તો નવાઈ નહીં. તેથી સામાન્ય સભા રસપ્રદ બની રહેનાર છે. સભામાં કારોબારી ચેરમેન સહિત અને સમિતિ ચેરમેન અને સમિતિની રચના હાથ ધરાશે. ગત સભામાં લેવાયેલ નિર્ણયની બહાલી અને એજન્ડા મુજબની કાર્યવાહી તેમજ પ્રમુખ સ્થાનેથી જ રજુ થાય તેની કામગીરી સામાન્ય સભામાં હાથ ધરાશે.