(વર્તમાન પ્રવાહ ન્યુઝ નેટવર્ક)
સેલવાસ, તા.23: કેન્દ્ર શાસિત પ્રદેશ દાદરા નગર હવેલી અને દમણ-દીવના રમત-ગમત અને યુવા બાબતોના વિભાગ, સેલવાસ દ્વારા પ્રશાસક શ્રી પ્રફુલભાઈ પટેલના દિશા-નિર્દેશ અને કુશળ માર્ગદર્શનમાં રમત-ગમત અને યુવા બાબતોના વિભાગ સચિવ અને નિર્દેશકશ્રીના સહયોગ દ્વારા ઓપન લેવલ તરણ સ્પર્ધા તરણ કુંડ સ્પોર્ટ્સ કોમ્પ્લેક્સ, સેલવાસ ખાતે આયોજીત કરવામાં આવી હતી. જેમાં દાદરા નગર હવેલી અને દમણ તથા વાપી વિસ્તારના તરવૈયા સ્પર્ધકોએ ઉત્સાહભેર ભાગ લીધો હતો. આ સ્પર્ધામાં મહિલા અને પુરુષ વર્ગમાં ચાર અલગ અલગ સ્પર્ધા ફ્રી સ્ટાઇલ રીલે, મેડલી રિલે, ડાઇવિંગ સ્પ્રિંગ, બોર્ડ ફોરવર્ડ, બેકવર્ડ, રિવર્સ, ટવીસ્ટીંગ અને આર્મ સ્ટેન્ડ અને ડાઇવિંગ પ્લેટફોર્મ ફોરવર્ડ, બેકવર્ડ, ઈનવર્ડ, રિવર્સ, ટ્વીસ્ટીંગ અને આર્મ સ્ટેન્ડમાં અંડર 14, અંડર 17, અંડર 19 અને 19 વર્ષથી વધુઉંમરના તરવૈયાઓએ હોંશભેર ભાગ લીધો હતો અને પોતાનું કૌવત ઝળકાવ્યું હતું.