શૈલેષ પટેલ અને પત્ની મોરખલથી બાઈક ઉપર ઘરે આવતા સર્જાયેલી કરૂણાંતિકા : શૈલેષ ત્રણ કિલોમીટર તણાઈ ગયો
(વર્તમાન પ્રવાહ વાપી બ્યુરો)
વાપી, તા.04: વાપી નજીક મોટાપોંઢા ગામ પાસે દમણગંગા યોજનાની મોટી કેનાલ પસાર થાય છે. કેનાલ સમાંતર રોડ આવેલો છે તેની ઉપરથી સ્થાનિક લોકો અવરજવર કરે છે તે મુજબ સ્થાનિક દંપતિ મોરખલથી બાઈક ઉપર સવાર થઈને ઘરે જવા નિકળ્યા હતા તે દરમિયાન બાઈક અચાનક કેનાલમાં ખાબકી ગઈ તેથી પતિ પાણીના પ્રવાહમાં તણાઈ ગયેલો અને પત્નીને સ્થાનિકોએ બચાવી લીધી હતી. પાછળથી ત્રણ કિ.મી. દૂર પતિની બોડી મળી આવી હતી.
ક્યારેક વિચિત્ર અકસ્માત સર્જાતા હોય છે તેવો એક અકસ્માત મોટાપોંઢા ગામે પસાર થતી કેનાલમાં રવિવારના રોજ થયો હતો. મોરખલથી શૈલેષ પટેલ અને તેમની પત્ની ઘરે જવા માટે બાઈક ઉપર નિકળ્યા હતા. કેનાલની સમાંતર આવેલ રોડ ઉપરથી અચાનક બાઈક પાણીમાં ખાબકી ગયું હતું. પતિ-પત્ની પાણીમાં તણાવા લાગેલ,જેમાં લોકોએ પત્નીને બચાવી લીધી હતી. જ્યારે પાણીના વહેણમાં ત્રણ કિ.મી. દૂર શૈલેષની બોડી મળી આવેલ. નાનાપોંઢા સરકારી દવાખાને ખસેડાયેલા પણ ફરજ પરના તબીબોએ મૃત જાહેર કર્યો હતો.
