ગુરુ જમ્ભેશ્વર સેવા સંસ્થાન અને ખાતેદાર પીનલ પટેલ વચ્ચે છેલ્લા ત્રણ દિવસથી જમીન વિવાદ ચાલી રહ્યો છે
(વર્તમાન પ્રવાહ વાપી બ્યુરો)
વાપી, તા.04: વાપી નજીક કરમબેલા હાઈવે ઉપર રોડ ટચ સર્વે નં.35/16 વાળી 24 ગુંઠા જમીન છેલ્લા ત્રણ દિવસથી એક સેવા સંસ્થાન અને ખાતેદાર વચ્ચે જમીન માલિકીપણા હક્કનો મોટો વિવાદ-ગજગ્રાહ ચાલી રહ્યો છે. વચ્ચેના માર્ગ અને ન્યાયિક તપાસ માટે સર્વેયર અને ભિલાડ પોલીસ ટીમ દોડી આવી હતી. પરંતુ રકઝક અને વિવાદ વધુ વકરતા જમીન માપણીની કામગીરી જ ટલ્લે ચઢી ગઈ હતી.
કરમબેલા હાઈવે ટચ આવેલ સર્વે નં.35/16 વાળી 24 ગુંઠા જમીન મૂળ માલિક સંજય મોહલલા પાસેથી ગુરુ જમ્બેશ્વર સેવા સંસ્થાએ ખરીદી હોવાથી તેમની દાવેદારી પ્રસ્તૂત થઈ રહી છે. તો બીજી તરફ સામે પક્ષે કરમબેલે ગામના ખાતેદાર પીનલ પટેલ સદર જમીન સર્વે નં.36/1 વાળી હોવાનો દાવો થયેલ. તેથી વિવાદ વકર્યો હતો. જેનાસમાધાન માટે સોમવારે ભિલાડ પોલીસ અને સર્વેયરોની ટીમ સ્થળ ઉપર જમીન માપણી માટે પહોંચેલી પરંતુ વિવાદ વધુ વકરતા ચાર ચાર કલાકની જહેમત બાદ માપણી ટલ્લે ચઢી હતી.
