ધોલાઈ બંદરથી ટ્રક રેતી ભરીને વલસાડ આવી રહી હતી ત્યારે અકસ્માત સર્જાયો
(વર્તમાન પ્રવાહ વાપી બ્યુરો)
વાપી, તા.10: વલસાડ લીલાપોર કોસ્ટલ હાઈવે ઉપર સોમવારે સવારે 10 વાગ્યાના સુમારે રેતી ભરેલી ટ્રકનું ટાયર ફાટતા અચાનક પલટી મારી બાજુમાં પસાર થતી ગટરમાં પડી જતા અફરા તફરી મચી જવા પામી હતી.
વલસાડ લીલાપોર કોસ્ટલ હાઈવે ઉપર ધોલાઈ બંદરથી રેતી ભરીને ટ્રકોની રોજીંદી અવરજવર રહે છે. આજે સોમવારે તેવી રેતી ભરેલ ટ્રક નં.જીજે 15 યુયુ 1185 ધોલાઈ બંદરથી રેતી ભરીને નિકળી હતી ત્યારે લીલાપોર કોસ્ટલ હાઈવે ઉપર ટ્રકનું ટાયર ફાટતા ટ્રક પલટી મારી પાસેની ગટરમાં પટકાઈ હતી. જો કે અકસ્માતમાં કોઈ જાનહાની થવા પામી ન હતી. લોકો એકઠા થઈ જતા રૂરલ પોલીસને ઘટનાની જાણ કરતા પોલીસે વધુ તપાસ હાથ ધરીને ક્રેઈન બોલાવી ટ્રક બહાર કાઢવાની તજવીજ હાથ ધરી હતી.
