પોલીસે ૯૭.૬૫૦ કિ.ગ્રા. ગાંજા સાથે કાર ચાલક વાસીમ નજીર સૈયદ રહે.પાલઘરની કરેલી અટક: ફરાર શરીફ સલીમ શેખ અને વાપીમાં ગાંજો મંગાવનાર સિદ્દીક શેખ- રહેમાન શેખ વોન્ટેડ જાહેર કર્યા
(વર્તમાન પ્રવાહ વાપી બ્યુરો)
વાપી, તા.11: મહારાષ્ટ્ર પાલઘરથી ગાંજાનો જથ્થો ભરીને વાપીમાં આપવા આવેલી કારને એસ.ઓ.જી.એ ઝડપી પાડી હતી.
પ્રાપ્ત વિગતો મુજબ એસ.ઓ.જી. ટીમે વાપી ગીતાનગર પ્રાથમિક શાળા નજીકથી બેલેનો કાર નં.એમએચ 04 સીવી 7976ને અટકાવી તપાસ કરતા કારમાં 97 કિલો 650 ગ્રામ ગાંજો મળી આવ્યો હતો. કાર્યવાહી પહેલા કારની બાજુની સીટમાં બેઠેલો શરીફ સલીમ શેખ ભાગી છૂટયો હતો. જ્યારે કાર ચાલક વાસીમ નજીર સૈયદ રહે.ગાંધીનગર એરીયા પાલઘરની અટક કરી હતી. રૂા.9.76 લાખનો ગાંજો મુદ્દામાલ તરીકે જપ્ત કરી પોલીસે પૂછપરછ કરતા આરોપીએ આ ગાંજાનું વેચાણ કરતા વાપી ગીતાનગરના રહીશ સિદ્દીક સલીમ શેખ અને રહેમાન સલીમ શેખે મંગાવ્યો હતો. પોલીસે ફરાર શરીફ શેખ મળી ત્રણને વોન્ટેડ જાહેર કર્યા હતા.