સદનસીબે કોઈ જાનહાની અકસ્માતમાં થઈ નહોતી : ડ્રાઈવર-ક્લીનરને સામાન્ય ઈજા
(વર્તમાન પ્રવાહ વાપી બ્યુરો)
વાપી, તા.07: ધરમપુરના માકડબન ગામમાં આવેલ ખનકીના બ્રિજ ઉપરથી શનિવારે મોડી રાત્રે પુલ ઉપરથી પસાર થતી વેળાએ લક્ઝરી બસના ચાલકે કાબુ ગુમાવતા બસ ખનકીમાં લટકી પડી હતી. અકસ્માતમાં મોટી હોનારત ટળી હતી.
ધરમપુરના માકડબન ગામની ખનકીના પુલ ઉપરથી પસાર થતા લક્ઝરી બસ મોડી રાત્રે વળાંકના એપ્રોચ રોડ પરથી નીચે ઉતરી પડી હતી. બનાવમાં બસ ખાલી હતી તેથી મોટી હોનારત ટળી હતી. અકસ્માતમાં ડ્રાઈવર-ક્લિનરને સામાન્ય ઈજાઓ થવા પામી હતી.